ഗുരുവായൂർ: ഗുരുവായൂർ ക്ഷേത്രത്തിലേക്ക് മൂന്ന് അടി വലിപ്പമുള്ള രണ്ട് ക്ലോക്കുകൾ സമർപ്പിച്ചു. കോഴിക്കോട്ടെ ദിനകർ വാച്ച് ഹൗസ് ഉടമ ദിനകറാണ് ക്ലോക്ക് സമർപ്പിച്ചത്. ദേവസ്വം ചെയർമാൻ എ.വി ഗോപിനാഥും ക്ഷേത്രം തന്ത്രി ബ്രഹ്മശ്രീ പി.സി ദിനേശൻ നമ്പൂതിരിപ്പാടും ചേർന്ന് ക്ലോക്കുകൾ ഏറ്റുവാങ്ങി. ദേവസ്വം ഭരണസമിതി അംഗങ്ങളായ ബ്രഹ്മശ്രീ മല്ലിശ്ശേരി പരമേശ്വരൻ നമ്പൂതിരിപ്പാട്, സി.മനോജ്, മനോജ് ബി നായർ, എം.യു ഷിനിജ, ദേവസ്വം ജീവനക്കാർ, ഭക്തർ എന്നിവർ സന്നിഹിതരായി.
