ചാവക്കാട്: പുത്തൻകടപ്പുറം ഗവ. ഫിഷറീസ് യു.പി സ്കൂളിൽ ഡിജിറ്റൽ സ്ക്വയർ ക്ലാസ്സ് മുറി തുറന്നു. എൻ കെ അക്ബർ എംഎൽഎ ഉദ്ഘാടനം നിർവ്വഹിച്ചു. ജൂനിയർ ലിറ്റിൽ കൈറ്റ്സിൻ്റെ ഉദ്ഘാടനവും ഇതോടൊപ്പം നടന്നു. ചാവക്കാട് നഗരസഭ വിദ്യാഭ്യാസ – കലാകായിക കാര്യ സ്റ്റാൻഡിങ് കമ്മിറ്റി ചെയർമാൻ കെ.പി രഞ്ജിത്ത്കുമാർ.അധ്യക്ഷത വഹിച്ചു. ബിപിസി സി സഫിയ പദ്ധതി വിശദീകരിച്ചു. വാർഡ് കൗൺസിലർ അഭിനി ശിവജി, പിടിഎ പ്രസിഡണ്ട് വി എസ് ഹാഷിം, എസ്എംസി ചെയർപേഴ്സൺ സി എ അബീന എന്നിവർ സംസാരിച്ചു. പ്രധാനാധ്യാപിക പി കെ റംല ബീവി സ്വാഗതവും എം കെ സലീം നന്ദിയും പറഞ്ഞു.
കേരളത്തിലെ പൊതുവിദ്യാലയങ്ങളിൽ 1 മുതൽ 7 വരെ ക്ലാസുകളിൽ ഡിജിറ്റൽ പഠനം മെച്ചപ്പെടുത്തുന്നതിനായി സംസ്ഥാന സർക്കാർ നടപ്പിലാക്കുന്ന പദ്ധതിയാണ് ഡിജിറ്റൽ സ്ക്വയർ.
സർക്കാരിന്റെ നൂറുദിന കർമ്മപരിപാടികളുടെ ഭാഗമായാണ് ഈ പദ്ധതി ആവിഷ്കരിച്ചത്. കുട്ടികളിൽ ഗെയിമുകളിലൂടെയുള്ള പഠനം, ഡിജിറ്റൽ സാക്ഷരത, സർഗാത്മകത, സ്വയംപഠനശേഷി, കമ്പ്യൂട്ടേഷണൽ ചിന്ത എന്നിവ ആധുനിക സാങ്കേതികവിദ്യയുടെ സഹായത്തോടെ വളരെ ചെറുപ്പത്തിൽ തന്നെ വികസിപ്പിച്ചെടുക്കുക എന്നതാണ് പദ്ധതിയുടെ പ്രധാന ലക്ഷ്യങ്ങൾ.
പുത്തൻകടപ്പുറം ഗവ. ഫിഷറീസ് യു.പി സ്കൂളിൽ ഡിജിറ്റൽ സ്ക്വയർ ക്ലാസ്സ് മുറി തുറന്നു
