കടപ്പുറം: എം.ബി.ബി.എസ് പരീക്ഷയിൽ ഉന്നത വിജയം കരസ്ഥമാക്കിയ ഫെബിന അബ്ദുൽ ഗഫൂറിനെ യൂത്ത് ലീഗ് കടപ്പുറം പഞ്ചായത്ത് കമ്മിറ്റി ആദരിച്ചു. മുസ്‌ലിം ലീഗ് കടപ്പുറം പഞ്ചായത്ത് വൈസ് പ്രസിഡന്റ് വി.ഉമ്മർ ഹാജി ഉപഹാരം നൽകി. യൂത്ത് ലീഗ് കടപ്പുറം പഞ്ചായത്ത് പ്രസിഡന്റ് പി.എ അഷ്ക്കർ അലി അധ്യക്ഷത വഹിച്ചു. കറുകമാട് പരേതനായ അബ്ദുൽ ഗഫൂറിൻ്റേയും സുബൈദയുടേയും മകളാണ് ഫെബിന. ചൈനയിലെ നഞ്ചങ്ങ് യൂണിവേഴ്സിറ്റിയിൽ നിന്നാണ് എം.ബി.ബി.എസ് പാസായത്. ചടങ്ങിൽ യൂത്ത് ലീഗ് പഞ്ചായത്ത് ജനറൽ സെക്രട്ടറി അലി അഞ്ചങ്ങാടി, യൂത്ത് ലീഗ് പഞ്ചായത്ത് ഭാരവാഹികളായ ആസിഫ് വാഫി, റംഷാദ് കാട്ടിൽ, വട്ടേകാട് സർവീസ് സഹകരണ ബാങ്ക് പ്രസിഡന്റ് അഫ്സൽ കറുകമാട്, എൻ.പി അബു, ആർ.കെ മുഹമ്മദ് ഷഫീഖ്, സൽമാൻ വാഫി എന്നിവർ സംബന്ധിച്ചു.
