പുന്നയൂർക്കുളം: ജി.എം.എൽ.പി സ്കൂളിന് പുതുവര്‍ഷസമ്മാനമായി ഒരു കോടി ചിലവില്‍ പുതിയ മൂന്നുനില കെട്ടിടം സമ്മാനിച്ചു. പുതുവർഷ പുലരിയിൽ ഉന്നത വിദ്യാഭ്യാസ വകുപ്പ് മന്ത്രി പ്രഫസർ ആർ ബിന്ദു കെട്ടിടം ഉദ്ഘാടനം ചെയ്തു. എൻ.കെ അക്ബർ എം.എൽ.എ അധ്യക്ഷനായി.
ജില്ലാ പഞ്ചായത്ത് അംഗം റഹിം വീട്ടിപറമ്പിൽ, വൈസ് പ്രസിഡന്റ് ഇ.കെ നിഷാർ,ബ്ലോക്ക് പഞ്ചായത്ത് സ്ഥിരം സമിതി അധ്യക്ഷ ഫാത്തിമ ലീനസ്, പഞ്ചായത്ത് സ്ഥിരം സമിതി അധ്യക്ഷരായ പ്രേമ സിദ്ധാര്‍ത്ഥന്‍, ആലത്തയില്‍ മൂസ, കെ ബിന്ദു, ബ്ലോക്ക് പഞ്ചായത്തംഗങ്ങളായ ഗ്രീഷ്മ ഷനോജ്, ബിജു പള്ളിക്കര, പഞ്ചായത്ത് മുൻ പ്രസിഡന്റ് എ.ഡി ധനീപ്, പി.ടി.എ പ്രസിഡന്റ് കെ ടി കമറുദ്ദീന്‍ എന്നിവര്‍ സംസാരിച്ചു. പുന്നയൂർക്കുളം പഞ്ചായത്ത് പ്രസിഡന്റ് ജാസ്മിൻ സഹീർ സ്വാഗതവും പ്രധാനാധ്യാപിക സി.കെ രമണി നന്ദിയും പറഞ്ഞു.
വാടക കെട്ടിടത്തിൽ ഒരു നൂറ്റാണ്ടോളം പ്രവർത്തിച്ച് പഞ്ചായത്ത് സ്ഥലം വിലകൊടുത്ത് വാങ്ങിയാണ് ഒരുകോടി ചിലവില്‍ കെട്ടിടം നിര്‍മ്മിച്ചത്. സംസ്ഥാന സർക്കാരും റർബൻ മിഷന്റെയും സഹാത്തോടെ പുന്നയൂർക്കുളം ഗ്രാമ പഞ്ചായത്തും ചേർന്ന് ഒരു കോടി രൂപയിധികം ചെലവാഴിച്ചാണ് 600 സ്ക്വയർ മീറ്റർ വിസ്തൃതിയിൽ 9 ക്ലാസ്സ്‌ റൂമുകളോട് കൂടി പുതിയ കെട്ടിടം നിര്‍മ്മിച്ചത്. 2019 ലാണ് നിർമാണ പ്രവർത്തനങ്ങൾ ആരംഭിച്ചത്. തൃശ്ശൂർ നിർമ്മിതി കേന്ദ്രയുടെ നിയന്ത്രണത്തിലായിരുന്നു പണികൾ.
പുന്നയൂർക്കുളം ജി.എം.എൽ.പി സ്കൂളിൽ പുതിയ കെട്ടിടം ഉദ്ഘാടനം ചെയ്തു
