കൊച്ചി: കലൂര് സ്റ്റേഡിയത്തിലെ ഹോട്ടലില് സ്റ്റീമര് പൊട്ടിത്തെറിച്ച് ഒരാള് മരിച്ചു. ഹോട്ടലിലെ ജീവനക്കാരനായ അന്യസംസ്ഥാന തൊഴിലാളി സുമിത് ആണ് മരിച്ചത്. കലൂര് സ്റ്റേഡിയത്തിലെ പ്രമുഖ ഹോട്ടലായ ഇഡ്ഡലി കഫേയിലാണ് പൊട്ടിത്തെറി ഉണ്ടായത്.
മൂന്നുപേരെ പരിക്കുകളോടെ ആശുപത്രിയില് പ്രവേശിപ്പിച്ചു. അലി, കിരണ്, ലുലു എന്നീ ജീവനക്കാര്ക്കാണ് പരിക്കേറ്റത്. പരിക്കേറ്റവരെ മൂന്നു ആശുപത്രികളിലായാണ് പ്രവേശിപ്പിച്ചിരിക്കുന്നത്. ഇവരിൽ ഒരാളുടെ നില ഗുരുതരമാണ്.
അടുക്കള ഭാഗത്ത് ജോലിചെയ്തിരുന്നവര്ക്ക് മാത്രമാണ് പരിക്കേറ്റത്. എന്നാല്, സമീപത്തെ കടയിലേക്ക് തീ പടരുകയോ മറ്റാളുകള്ക്ക് പരിക്കേല്ക്കുകയോ ചെയ്തിട്ടില്ല. നിലവില് സമീപത്തെ കടകള് അടച്ചിട്ടുണ്ട്.
