ചാവക്കാട്: പുത്തൻകടപ്പുറം ഗവ. ഫിഷറീസ് യു.പി സ്കൂൾ 106-ാം വാർഷികം ആഘോഷിച്ചു. ചാവക്കാട് നഗരസഭ ചെയർപേഴ്സൺ ഷീജ പ്രശാന്ത് ഉദ്ഘാടനം ചെയ്തു. പി.ടി.എ പ്രസിഡന്റ് അബീന അധ്യക്ഷത വഹിച്ചു. സ്റ്റാഫ്‌ സെക്രട്ടറി എസ്.കെ പ്രിയ വാർഷിക റിപ്പോർട്ട് അവതരിപ്പിച്ചു. പുരുഷോത്തമൻ മാസ്റ്റർ ഏർപ്പെടുത്തിയ എൻഡോവ്മെന്റ് വിതരണം വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ പ്രസന്ന രണദിവെ ചെയ്തു. വിരമിക്കുന്ന അധ്യാപികമാർക്ക് ചാവക്കാട് ഫർക്ക റൂറൽ പ്രസിഡന്റ് സി.എ ഗോപപ്രതാപൻ ഉപഹാരം നൽകി. രാഷ്ട്രീയ സാമൂഹ്യ ജീവകാരുണ്യരംഗത്ത് പ്രവർത്തിക്കുന്ന ലാസിയോ ചാരിറ്റബിൾ ട്രസ്റ്റ്‌, ചലഞ്ചേഴ്സ് ക്ലബ്‌, സൂര്യ കലാസാംസ്കാരിക വേദി, നന്മ ഷാഫി നഗർ, സ്കൂൾ പൂർവ്വ വിദ്യാർത്ഥി കൂട്ടായ്മകളായ ഏഴഴക്, സഹപാഠികൾ, മഴത്തുള്ളികൾ തുടങ്ങിയവർക്കും വ്യക്തികൾക്കും സംഘടനകൾക്കുമുള്ള മെമന്റോകളും നൽകി. ചാവക്കാട് ബി.പി.സി പി.എസ് ഷൈജു, പി.ടി.എ പ്രസിഡന്റ് സി.എ അബീന, ഹെഡ്മിസ്ട്രസ് പി.കെ റംല എന്നിവർ മെമൻ്റോകൾ സമ്മാനിച്ചു.
മണത്തല ചന്ദനക്കുടം നേർച്ച- 2025
