ചാവക്കാട്: നഗരസഭയിലെ അങ്കണവാടികളിൽ പ്രീ സ്കൂൾ കുഞ്ഞുങ്ങളുടെ മാനസിക, ശാരീരിക വികാസം ലക്ഷ്യമാക്കി കളിയുപകരണങ്ങൾ ലഭ്യമാക്കുന്ന കിലുക്കാംപെട്ടി എന്ന സ്‌പോൺസേർഡ് പരിപാടിയുടെ ഉദ്ഘാടനം നഗരസഭ ചെയർപേഴ്‌സൺ ഷീജ പ്രശാന്ത് നിർവഹിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ പി.എസ് അബ്ദുൾ റഷീദ് അധ്യക്ഷനായി. ഐ.സി.ഡി.എസ് സൂപ്പർവൈസർ വി.വി ദീപ പദ്ധതി വിശദീകരണം നടത്തി. വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്‌സൺ പ്രസന്ന രണദിവെ, കൗൺസിലർമാരായ പ്രിയ മനോഹരൻ, കെ.വി സത്താർ എന്നിവർ സംസാരിച്ചു. അങ്കണവാടി വർക്കർ ശ്രീമതി ഷീല സ്വാഗതവും എ.എൽ.എം.സി അംഗം ഷെലീർ നന്ദിയും പറഞ്ഞു.
