ചാവക്കാട്: ഐക്യം, അതിജീവനം, അഭിമാനം എന്ന പ്രമേയത്തിൽ എം.എസ്.എഫ് മെമ്പർഷിപ്പ് ക്യാമ്പയിൻ ഗുരുവായൂർ നിയോജക മണ്ഡലത്തിൽ തുടക്കമായി. ചാവക്കാട് ചീനിചുവട്ടിൽ നടന്ന ചടങ്ങിൽ എം.എസ്.എഫ് ഗുരുവായൂർ നിയോജകമണ്ഡലം പ്രസിഡന്റ് സി.എ അജ്മൽ എൽ.എഫ് കോളേജ് യു.യു.സി ആയി വിജയിച്ച ആദില ഷെറിന് മെമ്പർഷിപ്പ് നൽകി ഉദ്ഘാടനം നിർവഹിച്ചു. മെമ്പർഷിപ്പ് ക്യാമ്പയിൻ എം.എസ്.എഫ് കേരള എന്ന അപ്ലിക്കേഷൻ വഴിയാണ് സംഘടിപ്പിച്ചിട്ടുള്ളത്. ചടങ്ങിൽ എം.എസ്.എഫ് ജില്ലാ പ്രസിഡന്റ് ആരിഫ് പാലയൂർ, മുസ്‌ലിം ലീഗ് ചാവക്കാട് മുനിസിപ്പൽ ജനറൽ സെക്രട്ടറി പി.എം. അനസ്, യൂത്ത് ലീഗ് നിയോജകമണ്ഡലം ജനറൽ സെക്രട്ടറി കബീർ ഫൈസി, യൂത്ത് ലീഗ് മുനിസിപ്പൽ പ്രസിഡന്റ് ഹാഷിം മാലിക്, എം.എസ്.എഫ് ജില്ലാ സെക്രട്ടറി അഡ്വ. മുഹമ്മദ്‌ നാസിഫ്, മണ്ഡലം ട്രഷറർ സാമ്പാഹ്‌ താഴത്ത്, നേതാക്കളായ വി.എച്ച് സലീം, എം.എസ് മുസ്തഫ, വി.കെ ഹക്കീം, ടി.യു ഷാഫി, പി.എം സഹദ്, എ.കെ അനസ് എന്നിവർ പങ്കെടുത്തു. മെമ്പർഷിപ്പ് ക്യാമ്പയിൻ മണ്ഡലത്തിൽ വിജയകരമായി പൂർത്തീകരിക്കുമെന്ന് നേതാക്കൾ അറിയിച്ചു.
