ചാവക്കാട്: ബ്ലാങ്ങാട് അംഗൻവാടി അധ്യാപികക്ക് നേരെ തെരുവ് നായുടെ ആക്രമണം. ചേറ്റുവ സ്വദേശിന ഗീതക്കാ(48)ണ് നായയുടെ കടിയേറ്റത്. ഇന്ന് രാവിലെ 11നാണ് സംഭവം. നഗരസഭ 24 -ാം വാർഡ് ദ്വാരക ബീച്ചിലെ 93-ാം നമ്പർ അംഗൻവാടിയിലെ അധ്യാപികയാണ് ഗീത. ഫീൽഡ് വർക്കിനായി ബ്ലാങ്ങാട് ബീച്ചിലെ മെഹറലി നഗറിൽ എത്തിയപ്പോഴാണ് ഗീതയ്ക്ക് നേരെ തെരുവുനായയുടെ ആക്രമണം ഉണ്ടായത്. കാലിൽ നായയുടെ കടിയേറ്റ ഗീതയെ ചാവക്കാട് താലൂക്ക് ആശുപത്രിയിലും തുടർന്ന് തൃശൂർ മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.
