ഒരുമനയൂർ: ദേശീയ പാത 66 ആക്ഷൻ കൗൺസിൽ ഒരുമനയൂർ യൂണിറ്റ് റവന്യു മന്ത്രി കെ രാജന് നിവേദനം നൽകി. നാലുഭാഗവും ഉപ്പ് വെള്ളത്താൽ ചുറ്റപ്പെട്ട് കിടക്കുന്ന കേരളത്തിലെ ഏറ്റവും ചെറിയ പഞ്ചായത്തുകളിൽ ഒന്നായ ഒരുമനയൂർ പഞ്ചായത്തിലൂടെ 45 മീറ്റർ റോഡും അനുബന്ധ ഫ്രീസിംഗും അടക്കമുള്ള ദേശീയ പാത കടന്ന് പോകുമ്പോൾ ഗ്രാമം ഇല്ലാതായിപ്പോകുമെന്നും നിരവധി കുടുംബങ്ങളെ കുടിയൊഴിപ്പിക്കേണ്ടി വരുമെന്നും അതിനാൽ ഇവിടെ എലിവേറ്റഡ് ഹൈവേ നിർമ്മിച്ച് നാശനഷ്ടം കുറയ്ക്കണമെന്നും അതിനാവശ്യമായ നടപടികൾക്ക് സർക്കാരിന്റെ ശ്രദ്ധയിൽ കൊണ്ട് വരണമെന്നും നിവേദനത്തിൽ ആവശ്യപ്പെട്ടു. ആക്ഷൻ കൗൺസിൽ ഒരുമനയൂർ യുണിറ്റ് കൺവീനർ പി. കെ നൂറുദ്ധീൻ, പഞ്ചായത്ത് അംഗം കെ. വി കബീർ, സലീംനൂർ കെ, ബക്കർ കെ വി തുടങ്ങിയവർ സന്നിഹിതരായിരുന്നു.
