കടപ്പുറം: എൻ കെ അക്ബർ എം.എൽ.എയുടെ ശ്രമഫലമായി വട്ടേക്കാട് ചുള്ളിപ്പാടത്ത് വായനശാലയ്ക്ക് വേണ്ടി പുതുതായി വാങ്ങിയ 3 സെന്റ് സ്ഥലത്തിന്റെ ആധാരം എൻ.കെ അക്ബർ എം.എൽ.എക്ക് ക്ലബ് ഭാരവാഹികൾ കൈമാറി. ചുള്ളിപ്പാടത്തെ യുവാക്കളുടെ ചിരകാലാഭിലാഷമാണ് ഇതോടെ സാക്ഷാത്കരിക്കപ്പെട്ടത്. ചടങ്ങിൽ ടീം ചുള്ളി ഗെയ്സിന് വേണ്ടി പ്രസിഡണ്ട് ഫൈസൽ സ്വാഗതം പറഞ്ഞു. വായനശാല രക്ഷാധികാരി മൊയ്തീൻ കുഞ്ഞ് അധ്യക്ഷത വഹിച്ചു. എൻ.കെ അക്ബർ എം.എൽ.എ യോഗം ഉദ്ഘാടനം ചെയ്തു. സി.പി.എം ഏരിയാ കമ്മിറ്റി അംഗം കെ വി അഷ്റഫ്, ലോക്കൽ സെക്രട്ടറി എൻ.എം ലത്തീഫ്, ലോക്കൽ കമ്മിറ്റി അംഗം ഇ.വി മുസ്തഫ, ബ്രാഞ്ച് സെക്രട്ടറി ഹംസ അറക്കൽ, മെമ്പർ എം വി ഇഖ്ബാൽ, നിസാം ചുള്ളിപ്പാടം, അജിതൻ, നൗഫൽ, ഹരിദാസൻ, മുഹമ്മദ് മോൻ എന്നിവർ സംസാരിച്ചു. വായനശാല സെക്രട്ടറി ജുനൈദ് നന്ദി പറഞ്ഞു.
