പുന്നയൂർ: അഴിമതിയും ധിക്കാരവും അഹങ്കാരവും കൈമുതലാക്കിയ മുഖ്യമന്ത്രിക്ക് സമാനമാണ് പുന്നയൂർ പഞ്ചായത്ത് പ്രസിഡന്റെന്ന് മുസ്ലിം ലീഗ് ജില്ല ട്രഷറർ ആർ.വി അബ്ദുൽ റഹീം. പുന്നയൂർ പഞ്ചായത്ത് ഓഫീസിന് മുന്നിൽ മുസ്ലിം ലീഗ് പഞ്ചായത്ത് കമ്മിറ്റിയുടെ നേതൃത്വത്തിൽ നടന്ന ധർണ്ണ ഉദ്ഘാടനം ചെയ്യുകയായിരുന്നു അദ്ദേഹം. വനിത മെമ്പറോട് പഞ്ചായത്ത് പ്രസിഡന്റ് അപമര്യാതയായി പെരുമാറിയതിലും വിവിധ പദ്ധതികളിലെ അഴിമതികളിലും കുടുംബാരോഗ്യ കേന്ദ്രത്തിന് ലഭിക്കേണ്ട തുക നഷ്ടപ്പെടുത്തിയതുൾപ്പെടെ വിവിധ വിഷയങ്ങൾ ഉന്നയിച്ചു കൊണ്ടായിരുന്നു ധർണ്ണ സംഘടിപ്പിച്ചത്. പഞ്ചായത്ത് പ്രസിഡന്റ് എം കുഞ്ഞുമുഹമ്മദ് അധ്യക്ഷത വഹിച്ചു. നിയോജക മണ്ഡലം പ്രസിഡന്റ് ആർ.പി ബഷീർ മുഖ്യ പ്രഭാഷണം നടത്തി. ജില്ല വൈസ് പ്രസിഡന്റ് എം.വി ഷെക്കീർ, സെക്രട്ടറി സി അഷ്‌റഫ്‌, എസ്.ടി.യു ജില്ല ജനറൽ സെക്രട്ടറി കെ.കെ ഇസ്മായിൽ, മത്സ്യതൊഴിലാളി ഫെഡറേഷൻ എസ്.ടി.യു സംസ്ഥാന സെക്രട്ടറി പി.എം ഹംസക്കുട്ടി, മുസ്ലിം യൂത്ത് ലീഗ് ജില്ല വൈസ് പ്രസിഡന്റുമാരായ അസീസ് മന്ദലാംകുന്ന്, എ.വി അലി, പ്രവാസി ലീഗ് നിയോജക മണ്ഡലം പ്രസിഡന്റ് പി.എം സത്താർ, വനിത ലീഗ് നേതാക്കളായ ടി.എ അയിഷ, നസീമ ഹമീദ്, എം.കെ ഷഹർബാൻ, സുബൈദ പുളിക്കൽ, മറ്റു പഞ്ചായത്ത് അംഗങ്ങളായ ബിൻസി റഫീഖ്, ഷെരീഫ കബീർ, മുസ്ലിം ലീഗ് പഞ്ചായത്ത് കമ്മിറ്റി ഭാരവാഹികളായ സൈനുൽ ആബിദീൻ, എം.കെ.സി ബാദുഷ, ഫൈസൽ കുന്നമ്പത്ത്, നിസാർ മൂത്തേടത്ത്, അബ്ദുൽ സലീം കുന്നമ്പത്ത്, ടി.എം നൂറുദ്ധീൻ, ഷാജഹാൻ കറുത്താരൻ, ഷാഫി എടക്കഴിയൂർ എന്നിവർ പങ്കെടുത്തു. പഞ്ചായത്ത് ജനറൽ സെക്രട്ടറി ടി.കെ ഉസ്മാൻ സ്വാഗതവും വൈസ് പ്രസിഡന്റ് പി.എ നസീർ നന്ദിയും പറഞ്ഞു.
‘പുന്നയൂർ പഞ്ചായത്ത് പ്രസിഡന്റ് അഴിമതിയും ധിക്കാരവും അഹങ്കാരവും കൈമുതലാക്കിയ മുഖ്യമന്ത്രിക്ക് സമാനം’ – ആർ.വി അബ്ദുൽ റഹീം
