ചാവക്കാട്: എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികൾക്ക് ചാവക്കാട് നഗരസഭയുടെ കെ.പി വത്സലൻ സ്മാരക എൻഡോവ്മെന്റ് നൽകി ആദരിച്ചു. എസ്.എസ്.എൽ.സി പരീക്ഷയിൽ മികച്ച വിജയം നേടിയവർക്കുള്ള പുരസ്‌കാരം കെ.വി അബ്ദുൾഖാദർ എം.എൽ.എ വിതരണം ചെയ്തു. പ്ലസ് ടു പരീക്ഷയിൽ ഉന്നത വിജയം നേടിയവർക്ക് കേരള സംസ്ഥാന പ്രവാസി ക്ഷേമ ബോർഡ് ചെയർമാൻ പി. ടി കുഞ്ഞുമുഹമ്മദ് പുരസ്‌കാരം നൽകി. ചാവക്കാട് നഗരസഭാ ചെയർമാൻ എൻ. കെ അക്ബർ അധ്യക്ഷത വഹിച്ച ചടങ്ങിൽ നഗരസഭ വൈസ് ചെയർപേഴ്‌സൺ മഞ്ജുഷ സുരേഷ്, സ്റ്റാൻഡിങ് കമ്മിറ്റി ചെയർമാൻമാരായ എ.സി ആനന്ദൻ, എം.ബി രാജലക്ഷ്മി, എ.എ മഹേന്ദ്രൻ, കെ.എച്ച് സലാം, സബൂറ ബക്കർ, സെക്രട്ടറി കെ പി വിശ്വനാഥൻ, വാർഡ് കൗൺസിലർ എ.എച്ച് അക്ബർ എന്നിവർ പങ്കെടുത്തു.
