പാലക്കാട്: കല്ലടിക്കോട് സ്കൂള് വിദ്യാര്ഥികളുടെ മുകളിലേക്ക് സിമന്റ് ലോറി മറിഞ്ഞ് മൂന്ന് കുട്ടികള്ക്ക് ദാരുണാന്ത്യം. കോഴിക്കോട്-പാലക്കാട് പാതയില് കല്ലടിക്കോട് പനയമ്പാടത്താണ് സംഭവം. മണ്ണാര്കാട് ഭാഗത്തേക്ക് സിമന്റുമായി പോയ ലോറിയാണ് കരിമ്പയില്വെച്ച് മറിഞ്ഞത്. കരിമ്പ ഹയര് സെക്കന്ഡറി സ്കൂളിലെ വിദ്യാർഥികളായ മൂന്ന് പെൺ കുട്ടികളാണ് മരിച്ചത്.
വൈകുന്നേരം നാലു മണിയോടെ കുട്ടികള് സ്കൂള്വിട്ട് വരുന്ന സമയത്താണ് അപകടം. മഴയത്ത് നിയന്ത്രണം തെറ്റിയാകാം ലോറി മറിഞ്ഞതെന്നാണ് പ്രാഥമിക നിഗമനം. അമിതവേഗത്തിലെത്തിയ ലോറി നിയന്ത്രണംവിട്ട വീടിനോട് ചേര്ന്ന് മരത്തില് ഇടിച്ച് മറിയുകയായിരുന്നുവെന്നാണ് നാട്ടുകാര് പറയുന്നത്. നാട്ടുകാരും പോലീസും ഫയര്ഫോഴ്സും ചേര്ന്നാണ് രക്ഷാപ്രവര്ത്തനം നടത്തിയത്.
പാലക്കാട് സ്കൂള് വിദ്യാര്ഥികളുടെ മുകളിലേക്ക് സിമന്റ് ലോറി മറിഞ്ഞു; 3 കുട്ടികള്ക്ക് ദാരുണാന്ത്യം
