വടക്കേക്കാട്: അഞ്ഞൂർ നെല്ലിക്കത്തറയിൽ അനധികൃതമായി മദ്യവില്പന നടത്തിയ യുവാവ് പിടിയിൽ. അഞ്ഞൂർ നെല്ലിക്കത്തറ താണിശ്ശേരി ഗിനീഷിനെയാണ് ഒന്നര ലിറ്റർ വ്യാജ മദ്യവുമായി ചാവക്കാട് എക്സൈസ് ഇൻസ്പെക്ടർ പ്രവീണിൻ്റെ നേതൃത്വത്തിലുള്ള സംഘം പിടികൂടിയത്. ബീവറേജിൽ നിന്നു മദ്യം വാങ്ങി ശേഖരിച്ചു വെച്ച് അവധി ദിവസങ്ങളിലും മറ്റു വിശേഷ ദിവസങ്ങളിലും വിൽപ്പന നടത്തിവരികയായിരുന്നു ഇയാൾ. രഹസ്യ വിവരം ലഭിച്ചതിനെ തുടർന്ന് നടത്തിയ പരിശോധനയിലാണ് ഇയാൾ എക്സൈസ് സംഘത്തിൻ്റെ പിടിയിലാകുന്നത്.
അനധികൃത മദ്യവില്പന; യുവാവ് പിടിയിൽ
