ചാവക്കാട്: പുന്ന നൗഷാദിന്റെ ചരമ വാർഷിക ദിനത്തിൽ സഹോദരൻ മരിച്ചു. തിരുവത്ര പുത്തൻ കടപ്പുറത്ത് ഉണ്ണീരകത്ത് കോയയാണ് മരിച്ചത്. ഖബറടക്കം ഇന്ന് വൈകീട്ട് നാലിന് നടക്കും. കഴിഞ്ഞ വർഷം ജൂലൈ 30 നാണ് കോൺഗ്രസ് ബൂത്ത് പ്രസിഡണ്ടായിരുന്ന നൗഷാദിനെ ബൈക്കുകളിലായെത്തിയ സംഘം മാരകമായി വെട്ടിപ്പരിക്കേൽപ്പിച്ചത്. തുടർന്ന് ചികിത്സയിലിരിക്കെ 31ന് നൗഷാദ് മരിച്ചു. നൗഷാദിനെ വെട്ടി കൊലപ്പെടുത്തിയ സംഭവത്തിൽ 12 എസ്.ഡി.പി.ഐ പ്രവർത്തകരെ കേസന്വേഷിക്കുന്ന ക്രൈംബ്രാഞ്ച് സംഘം അറസ്റ്റ് ചെയ്തിരുന്നു.
