പുന്നയൂർ: പുന്നയൂർ പഞ്ചായത്ത് ചേതന സാംസ്കാരികോത്സവത്തിന്റെ ഭാഗമായി നടക്കുന്ന ബീച്ച് ഫെസ്റ്റിവലിനോടനുബന്ധിച്ച് ആറാം ദിവസം പഞ്ചായത്തിന്റെ നേതൃത്വത്തിൽ ക്രിസ്മസ് ആഘോഷം സംഘടിപ്പിച്ചു. എൻ കെ അക്ബർ എംഎൽഎ ആഘോഷ പരിപാടി ഉദ്ഘാടനം ചെയ്തു. പുന്നയൂർ പഞ്ചായത്ത് പ്രസിഡണ്ട് ടി.വി സുരേന്ദ്രൻ അധ്യക്ഷത വഹിച്ചു. വൈസ് പ്രസിഡണ്ട് സുഹറ ബക്കർ സ്വാഗതവും സി.ഡി.എസ് ചെയർപേഴ്സൺ അനിതാ സുരേഷ് നന്ദിയും പറഞ്ഞു.
പഞ്ചായത്ത് സ്റ്റാൻഡിങ് കമ്മറ്റി അധ്യക്ഷന്മാരായ എ.കെ വിജയൻ, ഷെമി അഷറഫ് തുടങ്ങിയവർ സംസാരിച്ചു. ബ്ലോക്ക് മെമ്പർ ജിസ്ന ലത്തീഫ്, പഞ്ചായത്ത് ആസൂത്രണ സമിതി അംഗം വി ഷമീർ തുടങ്ങി വാർഡ് മെമ്പർമാരും ചടങ്ങിൽ പങ്കെടുത്തു. തുടർന്ന് പഞ്ചവടി ദിൽക്കി ആവാസ് ഓർക്കസ്ട്രയുടെ നേതൃത്വത്തിൽ ഗാനമേളയും ഉണ്ടായി. പുതുവർഷ പുലരിയിൽ ബീച്ച് ഇലവൻസ് പഞ്ചവടിയും ഷാസ് പഞ്ചവടിയും അവതരിപ്പിക്കുന്ന കടലിലെ വർണ്ണ മഴയോട് കൂടി സാംസ്കാരിക ഉത്സവം സമാപിക്കും.
