ഓപ്പറേഷൻ തൂഫാന് പിന്തുണയുമായി കാവീട് സി.എൽ.സിയുടെ ലഹരി വിരുദ്ധ റാലി

ഗുരുവായൂർ : വർദ്ധിച്ചുവരുന്ന ലഹരി ഉപയോഗത്തിനെതിരെ കേരള സർക്കാരിന്റെ ഓപ്പറേഷൻ തൂഫാന് പിന്തുണയുമായി ഗുരുവായൂർ കാവീട് സെന്റ് ജോസഫ് പള്ളി സി.എൽ.സി സംഘടനയുടെ നേതൃത്വത്തിൽ ലഹരി വിരുദ്ധ റാലി സംഘടിപ്പിച്ചു. കാവീട് പള്ളിയങ്കണത്തിൽ നിന്നും തമ്പുരാൻ പടിയിലേക്ക് നടന്ന  റാലി വികാരി ഫാദർ  ഫ്രാൻസിസ് നീലങ്കാവിൽ ഫ്ലാഗ് ഓഫ് ചെയ്തു. ലഹരിക്കെതിരെ അംഗങ്ങൾ പ്രതിജ്ഞ എടുത്തു. പ്രസിഡണ്ട് റോഫിൻ ആർ. വെള്ളറ, സെക്രട്ടറി അനാമിക കെ ജോഫി, ജനറൽ കോഡിനേറ്റർ അലൻ ബോസ്കോ, ഭാരവാഹികളായ ആൽഡ്രിൻ ഡെറിക് ഡാനിയേൽ, സി. ആർ ജെറിൻ, എയ്ഞ്ചൽ തോമസ്, സി.എഫ് ഫാസിൽ, സെലിൻ റോസ്, റെജി ജെയ്സൺ, ഫിജോ റാഫേൽ എന്നിവർ നേതൃത്വം നൽകി.