ചാവക്കാട്: ചാവക്കാട് നഗരസഭയിൽ ജനകീയസൂത്രണ പദ്ധതി 2024-25 ൽ ഉൾപ്പെടുത്തി വാഴ കൃഷി വികസന പദ്ധതിക്ക് തുടക്കമായി. നഗരസഭ ചെയർപേഴ്സൺ ഷീജ പ്രശാന്ത് പദ്ധതി ഉദ്ഘാടനം ചെയ്തു. നഗരസഭ വൈസ് ചെയർമാൻ കെ.കെ. മുബാറക് അധ്യക്ഷത വഹിച്ചു. ആരോഗ്യ കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ബുഷറ ലത്തീഫ് സ്വാഗതം പറഞ്ഞു. നഗരസഭ അഗ്രികൾച്ചറൽ ഫീൽഡ് ഓഫീസർ ഇ.പി അനി റോസ് പദ്ധതി വിശദീകരണം നടത്തി. വിദ്യാഭ്യാസ കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ പ്രസന്ന രണദിവെ, നഗരസഭ കൗൺസിലർമാരായ എം.ആർ രാധാകൃഷ്ണൻ, കെ.വി സത്താർ, പി.കെ രാധാകൃഷ്ണൻ എന്നിവർ സംസാരിച്ചു. പൊതുമരാമത്ത് സ്റ്റാൻഡിംഗ് കമ്മിറ്റി ചെയർപേഴ്സൺ അഡ്വ. എ.വി മുഹമ്മദ് അൻവർ നന്ദി പറഞ്ഞു. 4 ലക്ഷം രൂപ ചിലവഴിച്ച് 200 യൂണിറ്റുകളാണ് വിതരണം ചെയ്യുന്നത്.
