ചാവക്കാട്: വിപുലമായ പരിപാടികളോടെ ചാവക്കാട് മേഖലയിൽ രാജ്യത്തിൻ്റെ 76-ാം റിപ്പബ്ലിക് ദിനാഘോഷം.

ഗുരുവായൂർ: ഗുരുവായൂർ  നഗരസഭയിൽ ചെയർമാൻ എം കൃഷ്ണദാസ് ദേശീയ പതാക ഉയർത്തി. വായനശാല വളപ്പിലെ ഗാന്ധി പ്രതിമയിൽ ഡപൂട്ടി ചെയർപേഴ്സൻ അനീഷ്മ ഷനോജ് പുഷ്പഹാരം അണിയിച്ചു. തുടർന്ന് റിപ്പബ്ലിക്ക് പരേഡും നടന്നു. നഗരസഭ ചെയർമാൻ സല്യൂട്ട് സ്വീകരിച്ചു. നഗരസഭ ഗ്രൗണ്ടിൽ നിന്നാരംഭിച്ച റാലി നഗരം ചുറ്റി ടൗൺ ഹാളിൽ സമാപിച്ചു. സമാപന സമ്മേളനം എൽ.കെ.അക്ബർ എം.എൽ.എ ഉദ്ഘാടനം ചെയ്തു. ഗാന രചയിതാവ് ഏങ്ങണ്ടിയൂർ ചരശേഖരൻ മുഖ്യാതിഥിയായിരുന്നു.  മണ്ഡലകാലത്ത് നഗരസഭയുടെ ഫസ്റ്റ് എയിഡ് ബൂത്തിൽ സൗജന്യ സേവനം നടത്തിയ ഡോക്ടർമാർക്കും കേരളോത്സവത്തിൽ വിജയികളായവർക്കും വിവിധ മേഖലകളിൽ മികവ് തെളിയിച്ചവർക്കും നഗരസഭയുടെ ഉപഹാരം സമ്മാനിച്ചു.

കടപ്പുറം: മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ 76-മത് റിപ്പബ്ലിക് ദിനം  ആചരിച്ചു. മണ്ഡലം കോൺഗ്രസ് കമ്മിറ്റി പ്രസിഡണ്ട് നളിനാക്ഷൻ ഇരട്ടപ്പുഴ പതാക ഉയർത്തി.  ബ്ലോക്ക് കോൺഗ്രസ്സ് നേതാക്കളായ പി.എ നാസർ, ബൈജു തെക്കൻ, കർഷക കോൺഗ്രസ്സ് ജില്ല സെക്രട്ടറി അബ്ദുൽ മജീദ്, മഹിള കോൺഗ്രസ്സ് ജില്ല സെക്രട്ടറി ഷാലിമ സുബൈർ, മുഹമ്മദാലി അഞ്ചങ്ങാടി, മണ്ഡലം വൈസ് പ്രസിഡൻ്റുമാരായ അബ്ദുൽ റസാഖ്, അക്ബർ ഇടശ്ശേരി എന്നിവർ സംസാരിച്ചു. കൊചനിക്ക, റഫീഖ് കറുകമാട്, ആച്ചി അബ്ദു, അസീസ് ചാലിൽ, വല്ലങ്കി അസീസ്, ദിനേശ് അഞ്ചങ്ങാടി, അബൂബക്കർ വലപ്പാട്, അലിമോൻ, പി. ഇബ്രാഹിംകുട്ടി, ഫൈസൽ, റഫീക് അറക്കൽ, ഹൈദർ വട്ടേക്കാട്, അലിഖാൻ, ജലീൽ, ഹുസൈൻ, ജഗു, നൗഷാദ് അഞ്ചങ്ങാടി എന്നിവർ നേതൃത്വം നൽകി.

ഗുരുവായൂർ: സ്വതന്ത്ര ഭാരതത്തിന്റെ 76>o റിപ്പ്ബ്ലിക്ദിനം ഗുരുവായൂർ മണ്ഡലം കോൺഗ്രസ്സ് കമ്മിറ്റിയുടെ ആഭിമുഖ്യത്തിൽ  ആഘോഷിച്ചു. മണ്ഡലം കമ്മിറ്റി ഓഫീസിൽ പ്രസിഡണ്ട് ഒ.കെ.ആർ. മണികണ്ഠൻ പതാക ഉയർത്തി.ഒ.പി. ജോൺസൺ അധ്യക്ഷത വഹിച്ചു. ബ്ലോക്ക് കോൺഗ്രസ്സ് പ്രസിഡണ്ട് അരവിന്ദൻ പല്ലത്ത് റിപ്പബ്ലിക് ദിന സന്ദേശം നൽകി. ഭാരതത്തിന്റെ അഖണ്ഡതയും ഐക്യവും ഒരുമയും സംരക്ഷിയ്ക്കുമെന്ന് പ്രതിജ്ഞയുമെടുത്തു. നേതാക്കളായ ബാലൻ വാറണാട്ട്, പ്രദീഷ് ഒടാട്ട്, സ്റ്റീഫൻ ജോസ്,സി.ജെ റെയ്മണ്ട്, വി.എസ് നവനീത്, കെ.കെ രഞ്ജിത്ത്, വി.കെ.ഷൈമിൽ, രാമചന്ദ്രൻ പല്ലത്ത്, ബഷീർ മാണിക്കത്ത് പടി, ജോയ് തോമാസ് എന്നിവർ സംസാരിച്ചു.

ചാവക്കാട്: ചാവക്കാട് മർച്ചന്റ്സ് അസോസിയേഷൻ ഭാരത്തിന്റെ 76-ാം റിപ്പബ്ലിക് ദിനം ആഘോഷിച്ചു.ചാവക്കാട് വ്യാപാര ഭവനിൽ കേരള വ്യാപാരി വ്യവസായി ഏകോപന സമിതി സംസ്ഥാന സീനിയർ വൈസ് പ്രസിഡന്റ് കെ.വി. അബ്ദുൽ ഹമീദ്  പതാക ഉയർത്തി. സി.എം. എ. വൈസ് പ്രസിഡന്റ്‌ കെ.എൻ.സുധീർ അധ്യക്ഷത വഹിച്ചു. ട്രഷറർ കെ.കെ. സേതുമാധവൻ, സെക്രട്ടറിമാരായ പി.എം. അബ്ദുൽ ജാഫർ, പി.എസ്. അക്ബർ, എ.എസ്. രാജൻ,  വനിതവിങ് പ്രസിഡണ്ട് ഫാഡിയ ഷഹീർ, റസിയ ശാഹുൽ, രതി രാജൻ, കെ.കെ. രാജശ്രീ എന്നിവർ സംസാരിച്ചു.

പുന്നയൂർ: കുരഞ്ഞിയൂർ ഖുവ്വത്തുൽ ഇസ്ലാം മദ്രസ്സയിൽ റിപ്പബ്ലിക് ദിനം ആഘോഷിച്ചു. ഖത്തീബ് അബ്ദുസ്സലാം അഹ്സനി ദുആ ചെയ്തു. സെക്രട്ടറി അബ്ദുൽമജീദ് സാഹിബ്, സ്വദർ ത്വാഹിർ ബാഖവി, എൻ. കെ.മുസ്തഫ, ഉവൈസ് അസ്ഹരി,അനസ് ലത്തീഫി എന്നിവർ സംസാരിച്ചു.

ഗുരുവായൂർ: തൈക്കാട് സാംസ്കാരിക കൂട്ടായ്മയുടെ നേതൃത്വത്തിൽ റിപ്പബ്ലിക് ദിനം ആഘോഷിച്ചു. തൈക്കാട് ജംഗ്ഷനിൽ നടന്ന ചടങ്ങിൽ എക്സിക്യൂട്ടീവ് അംഗം അസീസ് പനങ്ങായിൽ ദേശീയ പതാക ഉയർത്തി. തോമസ് ആളൂർ, റഫീഖ് കൊളമ്പൊ, സജി ഉണ്ണീരി, അസ്‌ക്കർ കൊളമ്പൊ, മുസ്തഫ പി പി, രാമകൃഷ്ണൻ എടക്കര,പി.പി.നിസാർ , യേശുദാസ്, സന്ധ്യ ഭരതൻ എന്നിവർ നേതൃത്വം നൽകി.  ദേശീയഗാനം ആലാപനവും  മധുര വിതരണവും നടന്നു.

ഗുരുവായൂർ: ഗുരുവായൂർ നഗനഗരസഭയിലെ പതിനഞ്ചാം വാർഡ് മമ്മിയൂരിൽ 100 വയസ്സ് തികഞ്ഞ ഗാന്ധിയൻ വലിയ പുരയ്ക്കൽ കൃഷ്ണൻ ദേശീയ പതാക ഉയർത്തി റിപ്പബ്ലിക് ദിനം ആഘോഷിച്ചു. വാർഡ് കൗൺസിലർ രേണുക ശങ്കർ അധ്യക്ഷത വഹിച്ചു. രണ്ട് മാസം മുൻപ് നൂറാം പിറന്നാൾ ആഘോഷിച്ച ഗാന്ധിയൻ വലിയ പുരക്കൽ കൃഷ്ണൻ ഊർജ്ജസ്വലനായി പതാകയെ അഭിവാദ്യം ചെയ്ത് മുദ്രാവാക്യങ്ങൾ മുഴക്കി. ഗുരുവായൂർ ബ്ലോക്ക് കോൺഗ്രസ് പ്രസിഡൻറ് അരവിന്ദൻ പല്ലത്ത് റിപ്പബ്ലിക് ദിന സന്ദേശം നൽകി. കോൺഗ്രസ് നേതാക്കളായ അനിൽകുമാർ ചിറക്കൽ, വി.കെ ജയരാജൻ,  ബാലകൃഷ്ണൻ മഠപ്പാട്ടിൽ, രാമചന്ദ്രൻ പല്ലത്ത് ,ഗോപി കൂനംപുറത്ത്, ജ്യോതിശങ്കർ, ഗിരിജ ജയരാജ്,  ബാബു ആലത്തി എന്നിവർ പങ്കെടുത്തു. മധുരവിതരണവും നടന്നു.

പുന്നയൂർ: പുന്നയൂർ മണ്ഡലം കോൺഗ്രസ്സ് കമ്മിറ്റിയുടെ ആഭിമുഖ്യത്തിൽ 76- മത് റിപ്പബ്ലിക് ദിനാഘോഷം സംഘടിപ്പിച്ചു. മുൻ ഡിസിസി പ്രസിഡൻ്റ് ഒ. അബ്ദുൽ റഹ്മാൻ കുട്ടി ഉദ്ഘാടനം ചെയ്തു. പുന്നയൂർ മണ്ഡലം പ്രസിഡൻ്റ് മുനാഷ് മച്ചിങ്ങൽ അദ്ധ്യക്ഷത വഹിച്ചു.  ഉമ്മർ മുക്കണ്ടത്ത് , സുബൈദ പാലക്കൽ, കരീം കരിപ്പോട്ട്, കെ.കെ മജീദ്, സി.ഹംസ അൻസിൽ എന്നിവർ സംസാരിച്ചു.

കടപ്പുറം: ഇരട്ടപ്പുഴ മേഖല കോൺഗ്രസ് കമ്മിറ്റി റിപ്പബ്ലിക് ദിനാഘോഷം നടത്തി. ഡിസിസി ജനറൽ സെക്രട്ടറി കെ.ഡി വീരമണി ഉദ്ഘാടനം ചെയ്തു. മണ്ഡലം കോൺഗ്രസ് ജനറൽ സെക്രട്ടറി കെ.കെ. നജീബ് അധ്യക്ഷത വഹിച്ചു. മത്സ്യത്തൊഴിലാളി കോൺഗ്രസ് സംസ്ഥാന ജനറൽ സെക്രട്ടറി സി. മുസ്താഖ് അലി മുഖ്യപ്രഭാഷണം നടത്തി. ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്റ് കെ.എം. അബ്ദുൽ ജബ്ബാർ, ബ്ലോക്ക് കോൺഗ്രസ് ജനറൽ സെക്രട്ടറി പി.കെ. നിഹാദ്, മൂക്കൻ കാഞ്ചന, കെ.ജി. വിജേഷ്, കൊപ്പര ശൈലജ, സി സക്കീർ, മിസിരിയ മുസ്താക്കലി, എൻ.കെ. റഷീദ്, പി.എ. സലിം,ഒ.വി. വേലായുധൻ, എ.ബി. ബിനീഷ് എന്നിവർ സംസാരിച്ചു.

ചാവക്കാട്: കോടതിയിൽ റിപ്പബ്ലിക്ക് ദിനം ആചരിച്ചു. ജില്ല ജഡ്ജും ചാവക്കാട് പോക്സോ സ്പെഷ്യൽ ജഡ്ജുമായ അന്യാസ് തയ്യിൽ ദേശീയ പതാക ഉയർത്തി. ആഘോഷ സമ്മേളനം ഉദ്ഘാടനം ചെയ്തു.ചാവക്കാട് ബാർ അസോസിയേഷൻ പ്രസിഡന്റ് അഡ്വ. തേർളി അശോകൻ അധ്യക്ഷത വഹിച്ചു. സബ്ബ് ജഡ്ജ് വി.വിനോദ് ആമുഖ പ്രസംഗം നടത്തി. ഭരണഘടനയുടെ പ്രസക്തിയെ കുറിച്ച് മുൻസിഫ് ഡോ. അശ്വതി അശോക് , മജിസ്ട്രേറ്റ് ശാരിക സത്യൻ എന്നിവർ ക്ലാസെടുത്തു. അഡ്വ. സിജു മുട്ടത്ത് , ശിരസ്തിദാർ ഇ പി ശ്രീജ , ജൂനിയർ സൂപ്രണ്ട്മാരായ കെ.ജി. മണികണ്ഠൻ , എം.ആർ. സുജ,ക്ലാർക്ക് അസ്സോസിയേഷൻ പ്രസിഡന്റ് അജിത്കുമാർ, ലീഗൽ സർവീസ് അതോറിറ്റി സെക്രട്ടറി വിനോദ് വി നായർ എന്നിവർ സംസാരിച്ചു.

ഒരുമനയൂർ : മണ്ഡലം  കോൺഗ്രസ്‌ 168-ാം ബൂത്ത്‌ കമ്മിറ്റി യുടെ റിപ്പബ്ലിക്   ദിനഘോഷം ആഘോഷിച്ചു. സീനിയർ കോൺഗ്രസ് നേതാവ് എൻ.കെ. ഇബ്രാഹിം പതാക  ഉയർത്തി. ഗുരുവായൂർ ബ്ലോക്ക് കോൺഗ്രസ് വൈസ് പ്രസിഡണ്ട്  കെ.ജെ. ചാക്കോ, കോൺഗ്രസ് മണ്ഡലം നേതാക്കളായ  ശ്യാം സുന്ദർ, പി.പി നൗഷാദ്, ഇ.എ. സജി, വാർഡ് മെമ്പർ നസീർ മുപ്പിൽ, യൂത്ത് കോൺഗ്രസ് നേതാക്കളായ ചാൾസ് ചാക്കോ, ജീവൻ ജോസഫ്, ഒ. യു.വിഷ്ണു  എന്നിവർ നേതൃത്വം നൽകി.

ചാവക്കാട്: കൺസോൾ മെഡിക്കൽ ചാരിറ്റബിൾ ട്രസ്റ്റ് റിപ്പബ്ളിക് ദിന ഫ്ലാഗ് ഹോയ്റ്റിംഗ് നടത്തി. യോഗത്തിൽ കൺസോൾ പ്രസിഡണ്ട് ജമാൽ താമരത്ത് അദ്ധ്യക്ഷത വഹിച്ചു.വൈസ് പ്രസിഡണ്ട് ഹക്കീം ഇമ്പാറക്ക് സ്വാഗതം പറഞ്ഞു. ട്രഷറർ വി.കാസിം, സി. എം.ജനീഷ് , ടി. പി.ബദറുദ്ദീൻ,എ. വി.അശറഫ് ഇല്യാസ്, ഹരിദാസ് എന്നിവർ സംസാരിച്ചു.

ചാവക്കാട്: അങ്ങാടിത്താഴം മുർശിദുൽ അനാം മദ്രസ കമ്മിറ്റിയുടെ നേതൃത്വത്തിൽ  റിപ്പബ്ലിക് ദിനം ആഘോഷിച്ചു. മദ്രസ കമ്മിറ്റി പ്രസിഡന്റ്‌ സാലിഹ് കാളിയത്ത് പതാക ഉയർത്തി.  യോഗത്തിൽ മദ്രസ സെക്രട്ടറി എം.വി.ശംസുദ്ധീൻ  അധ്യക്ഷത വഹിച്ചു.മദ്രസ്സ വിദ്യാർത്ഥികൾക്ക് മഹല്ല് ജനറൽ സെക്രട്ടറി നൗഷാദ് അഹമ്മു റിപ്പബ്ലിക് സന്ദേശം നൽകി. മഹല്ല് ജോയിന്റ് സെക്രട്ടറി  അനീഷ്‌ പാലയൂർ, സദർ മുഅല്ലിം പൈലിപ്പുറം അബൂബക്കർ ഉസ്താദ്, നൗഷാദ് നെടുപറമ്പിൽ, ഷജീർ, നാസർ കോനായിൽ, ഹംസ അമ്പലത്ത്,ആർ.പി ഫസൽ റഹ്‌മാൻ,അധ്യാപകരായ, ശംസുദ്ധീൻ മുസ്‌ലിയാർ, ഖാലിദ് മുസ്ലിയാർ, അഷ്‌കർ ഉസ്താദ് മദ്രസ്സ ലീഡർ അഫ്സൽ എന്നിവർ സംസാരിച്ചു.

ഗുരുവായൂർ: 76-ാം റിപ്പബ്ലിക് ദിനാഘോഷം തിരുവെങ്കിടം നായർ സമാജത്തിന്റെ ആഭിമുഖ്യത്തിൽ സമുച്ചിതമായി ആഘോഷിച്ചു. സമാജം ഓഫീസ് പരിസരത്ത് ദേശീയ പതാക ഉയർത്തി രാഷ്ട്ര നന്മയ്ക്കായ് പ്രതിജ്ഞയെടുത്ത് ദേശഗാനാലാപനവും നടത്തി.സമാജം പ്രസിഡണ്ട് ബാലൻ വാറണാട്ട് പതാക ഉയർത്തി.സെക്രട്ടറി പ്രഭാകരൻ മണ്ണൂർ റിപ്പബ്ലിക് ദിന സന്ദേശം നൽകി. വൈസ് പ്രസിഡണ്ട് ഉണ്ണികൃഷ്ണൻ ആലക്കൽ അദ്ധ്യക്ഷത വഹിച്ചു. പി.മുരളീധര കൈമൾ , സുരേന്ദ്രൻ മൂത്തേടത്ത് , വസന്ത എം.നായർ എന്നിവർ സംസാരിച്ചു. മധുരവിതരണവും ഉണ്ടായി.

ഏങ്ങണ്ടിയൂർ: കോൺഗ്രസ്‌ ചേറ്റുവ മേഖല കമ്മിറ്റിയുടെ ആഭിമുഖ്യത്തിൽ റിപ്പബ്ലിക്ക് ദിനം ആഘോഷിച്ചു. സ്വാതന്ത്ര്യസമര സേനാനി കരിയിൽ പി.ടി.മുഹമ്മദാലി സാഹിബ്‌ നഗർ ചേറ്റുവ കടവിൽ മുതിർന്ന കോൺഗ്രസ്‌ നേതാവ് ആർ.വി. അബുബക്കർ പതാക ഉയർത്തി. മത്സ്യ തൊഴിലാളി കോൺഗ്രസ്‌ സംസ്ഥാന ജനറൽ സെക്രട്ടറി യു. കെ. പീതാംപരൻ ഉത്ഘാടനം ചെയ്തു. ബ്ലോക്ക്‌ കോൺഗ്രസ്‌ വൈസ്സ് പ്രസിഡന്റ്‌ നൗഷാദ് കൊട്ടിലിങ്ങൾ അധ്യക്ഷത വഹിച്ചു. ബ്ലോക്ക്‌ കോൺഗ്രസ്‌ ജനറൽ സെക്രട്ടറി അക്ബർ ചേറ്റുവ റിപ്പബ്ലിക്ക് ദിന സന്ദേശം നെൽകി. ബ്ലോക്ക്‌ കോൺഗ്രസ്‌ ജനറൽ സെക്രട്ടറിമാരായ ഇ.എസ്. ഹുസൈൻ,രാധാകൃഷ്ണൻ പുളിഞ്ചോട്,രതീഷ് ഇരട്ടപ്പുഴ,എ.എൻ  ആഷിക്,ലത്തീഫ് കെട്ടുമ്മൽ,നൂർദ്ധീൻ ഏറച്ചംവീട്, ഉദയൻ എങ്ങണ്ടിയൂർ,വി എസ് ഗഫൂർ,ആർ. എ. സുലൈമാൻ, എം.എ.അബ്ദു എന്നിവർ സംസാരിച്ചു.

കടപ്പുറം: റിപ്പബ്ലിക് ദിനത്തോടനുബന്ധിച്ച് മുനക്കകടവ് ഇഖ്ബാൽ നഗർ റഹ്മാനിയ ജുമാ മസ്ജിദ് മഹല്ല് കമ്മിറ്റിയുടെ നേതൃത്വത്തിൽ പള്ളിയങ്കണത്തിൽ മഹല്ല് ഖത്തീബ് റിയാസ് ഫൈസി ദേശീയ പതാക ഉയർത്തി. ചടങ്ങിൽ മഹല്ല് ഭാരവാഹികളായ പി.എ.നാസർ, ഷറഫുദ്ദീൻ മുനക്കകടവ്, എം.കെ.അബ്ദുൽ കലാം, പി.എ.അഷ്ക്കർ അലി, അൻസാർ പോണത്ത്, സിദ്ദീഖ് മുസ്‌ലിയാർ വിദ്യാർത്ഥികൾ എന്നിവർ സംബന്ധിച്ചു. തുടർന്ന് മധുരം വിതരണം ചെയ്തു.

പുന്നയൂർക്കുളം: അണ്ടത്തോട് സ്കിൽ ഗ്രൂപ്പ് ക്ലബ്ബിന്റെ ആഭിമുഖ്യത്തിൽ റിപ്പബ്ലിക്ക് ദിനം ആഘോഷിച്ചു. ക്ലബ്ബ് പരിസരത്ത് വാർഡ് മെമ്പർ പി.എസ്.അലി ദേശീയ പതാക ഉയർത്തി. ക്ലബ്ബ്‌ രക്ഷാധികാരി വി.മായിൻകുട്ടി സന്ദേശം നൽകി. ഭാരവാഹികളായ ഹുസൈൻ വലിയകത്ത്, ഷെജീർ, എച്ച്.കെ. സുഹൈൽ തുടങ്ങിയവർ സംസാരിച്ചു.

പുന്നയൂർക്കുളം: അണ്ടത്തോട് സെന്റർ 5-ാം നമ്പർ അങ്കണവാടിയിൽ റിപ്പബ്ലിക്ക് ദിനം ആഘോഷിച്ചു. വാർഡ് മെമ്പർ പി.എസ്.അലി ദേശീയ പതാക ഉയർത്തി. വെൽഫെയർ കമ്മിറ്റി മെമ്പർ സുഹൈൽ അബ്ദുള്ള അധ്യക്ഷത വഹിച്ചു. വിനു ടീച്ചർ, നവാസ് അണ്ടത്തോട്, പുഷ്പ തുടങ്ങിയവർ സംസാരിച്ചു. വിദ്യാർത്ഥികളും രക്ഷിതാക്കളും നാട്ടുകാരും സംബന്ധിച്ചു.

പുന്നയൂർക്കുളം: 76-ാം റിപ്പബ്ലിക്ദിനത്തോട് അനുബന്ധിച്ച് സാം സാംസ്‌കാരികസമിതിയുടെ നേതൃത്വത്തിൽ നടന്ന പരിപാടിയിൽ പ്രസിഡന്റ് ഫാറാസ് പതാക ഉയർത്തി. സെക്രട്ടറി റാസിക് സീനിയർ മെമ്പർമാരായ സജിത്ത് അമ്പലത്ത്, എംസി. ഗഫൂർ, സിറാജ് ഫാന്റസി, ചാക്കോലായിൽ ഷാഫി, ഫിറോസ്, താഹിർ, സമദ് എന്നിവർ സംബന്ധിച്ചു. പായസ വിതരണവും നടന്നു.

ചാവക്കാട്: പുത്തൻകടപ്പുറം ജി എ ഫ് യു പി സ്കൂളിൽ റിപ്പബ്ലിക് ദിനാഘോഷത്തിന് തുടക്കമായി. ഹെഡ്മിസ്ട്രെസ് പതാക ഉയർത്തി. ഈ വർഷത്തെ നിശ്ചലദൃശ്യങ്ങളുടെ പ്രമേയം ‘സുവർണ ഭാരതം: പൈതൃകവും വികസനവും സലീം എം.കെ അവതരിപ്പിച്ചു. വരും ദിവസങ്ങളിൽ ദേശഭക്തിഗാന മത്സരവും റിപ്പബ്ലിക്ദിന ക്വിസും നടക്കും. അധ്യാപകരായ ഷീജ നൗഷാദ്, മുംതാസ്, വിദ്യാർത്ഥികൾ പങ്കെടുത്തു