ചാവക്കാട്: ചാവക്കാട് മർച്ചന്റ്സ് അസോസിയേഷന്റെ നേതൃത്വത്തിൽ ലേബർ രജിസ്ട്രേഷൻ പുതുക്കുവാനും പുതിയ രജിസ്ട്രേഷൻ എടുക്കാനുമുള്ള ക്യാമ്പ് സംഘടിപ്പിച്ചു. അസിസ്റ്റന്റ് ലേബർ ഓഫീസർ വി.കെ റഫീഖ് നേതൃത്വം നൽകി. കേരള വ്യാപാരി വ്യവസായി ഏകോപന സമിതി ജില്ലാ സെക്രട്ടറിയേറ്റ് മെമ്പറും സി.എം.എ ജനറൽ സെക്രട്ടറിയുമായ ജോജി തോമസ് അധ്യക്ഷത വഹിച്ചു. സി.എം.എ സെക്രട്ടറി എ.എസ് രാജൻ, സെക്രട്ടറി യേറ്റ് മെമ്പർ ആർ.എസ് ഹമീദ്, ലേബർ ഓഫിസ് ജീവനക്കാരായ ടി.ആർ രാഗിത, റിസ്വാന എന്നിവർ സന്നിഹിതരായിരുന്നു.
