ഗുരുവായൂർ: സ്വാശ്രയ കോളേജുകളിൽ ട്യൂഷൻ, യൂണിവേഴ്സിറ്റി ഫീസുകളല്ലാത്ത മറ്റെല്ലാ ഫീസുകൾക്കും ഇളവ് നൽകണമെന്ന ഉന്നത വിദ്യാഭ്യാസ വകുപ്പിന്റെ ഉത്തരവ് എംഎസ്എഫ് കോളേജ് അധികാരികൾക്ക് കൈമാറി. ഗവർണ്ണറുടെ ഉത്തരവ് പ്രകാരം അഡീഷണൽ ചീഫ് സെക്രട്ടറി ഡോ: വേണു വി ഐ.എ.എസാണ് ഉത്തരവ് പുറപ്പെടുവിച്ചത്. എംഎസ്എഫിന്റെ നിരന്തരമായ ഇടപെടൽ മൂലമാണ് ഈ നടപടി ഉണ്ടായത്. ഗുരുവായൂർ നിയോജക മണ്ഡലത്തിലെ മമ്മിയൂർ എൽഎഫ് കോളേജിലേയും തൊഴിയൂർ ഐസിഎ കോളേജിലെയും അധികാരികൾക്കാണ് എംഎസ്എഫ് ഗുരുവായൂർ നിയോജകമണ്ഡലം ഭാരവാഹികളായ എം എസ് സ്വാലിഹ്, ഷംനാദ് പള്ളിപ്പാട്ട്, അഡ്വ: മുഹമ്മദ് നാസിഫ് എന്നിവരുടെ നേതൃത്വത്തിൽ ഉത്തരവ് കൈമാറിയത്. ജാസിർ, മുഹമ്മദ് സാബിത്ത്, അസ്ലം എന്നിവർ സന്നിഹിതരായിരുന്നു. നിയോജക മണ്ഡലത്തിലെ ബാക്കി വരുന്ന സ്വാശ്രയ കോളേജുകളിലെ അധികാരികൾക്കു ഉത്തരവ് എംഎസ്എഫ് അടുത്ത ദിവസം തന്നെ കൈമാറുമെന്ന് ഭാരവാഹികൾ പറഞ്ഞു.
സ്വാശ്രയ കോളേജുകളിലെ ഫീസിളവിന്റെ ഉത്തരവ് എംഎസ്എഫ് കോളേജ് അധികാരികൾക്ക് കൈമാറി
