ഒരുമനയൂർ: ഒരുമനയൂർ പഞ്ചായത്തിൽ 2024-25 പദ്ധതിയിൽ ഉൾപ്പെടുത്തി കർഷകർക്ക് വളവും മണ്ണും പച്ചക്കറി തയ്യും ഉൾപ്പെടെ എച്ച്.ഡി.പി ചട്ടി വിതരണം ചെയ്തു. പഞ്ചായത്ത് പ്രസിഡണ്ട് വിജിത സന്തോഷ് ഉദ്ഘാടനം നിർവഹിച്ചു. വൈസ് പ്രസിഡണ്ട് കെ.വി കബീർ അധ്യക്ഷത വഹിച്ചു. സ്റ്റാൻഡിങ് കമ്മിറ്റി ചെയർമാൻമാരായ കെ.എച്ച് കയ്യുമ്മു ടീച്ചർ, ഇ.ടി ഫിലോമിന ടീച്ചർ, കെ.വി രവീന്ദ്രൻ, മെമ്പർമാരായ ഹസീന അൻവർ, നഷ്‌റ മുഹമ്മദ്, സിന്ധു അശോകൻ, ആരിഫ ജുഫൈർ, ബിന്ദു ചന്ദ്രൻ, കെ.ജെ ചാക്കോ തുടങ്ങിയവർ സംസാരിച്ചു. കൃഷി ഓഫീസർ എമിലി സ്വാഗതം പറഞ്ഞു. കൃഷി അസിസ്റ്റന്റ് സിമി നന്ദി പറഞ്ഞു.
