ഗുരുവായൂർ: റോഡിന് പുറകെ പൂച്ച ചാടിയതോടെ നിയന്ത്രണം വിട്ട ബൈക്ക് വൈദ്യുതി പോസ്റ്റിലിടിച്ച് അപകടം. ബൈക്ക് യാത്രികരായ ദമ്പതികൾക്ക് പരിക്കേറ്റു. ഗുരുവായൂർ ഇരിങ്ങപ്പുറം തടത്തിൽ വീട്ടിൽ ചന്ദ്രൻ(59), ഭാര്യ സജിത(55) എന്നിവർക്കാണ് പരിക്കേറ്റത്. ഇന്ന് ഉച്ചയ്ക്ക് ഒരുമണിയോടെ മാവിൻചുവട് ശവക്കോട്ട റോഡിൽ വെച്ചായിരുന്നു അപകടം. പരിക്കേറ്റ രണ്ടുപേരെയും ഗുരുവായൂർ ആക്ട്സ് ആംബുലൻസ് പ്രവർത്തകർ മുതുവട്ടൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.
