ചാവക്കാട്: മൈസൂരിലുണ്ടായ വാഹനപകടത്തിൽ മരിച്ച തിരുവത്ര സ്വദേശിയായ വിദ്യാർത്ഥിയുടെ കബറടക്കം നാളെ നടക്കും. രാവിലെ 9 മണിക്ക് തിരുവത്ര പുതിയറ പള്ളി കബർസ്ഥാനിലാണ് കബറടക്കം. നാളെ പുലർച്ചെ ഒരു മണിയുടെ മൃതദേഹം വീട്ടിൽ കൊണ്ടുവരും. തിരുവത്ര അത്താണിക്കടുത്ത് ഏറച്ചം വീട്ടിൽ പാലപ്പെട്ടി യൂസഫിൻ്റെ മകൻ അബിൻ ഫർഹാനാണ് ഇന്ന് പുലർച്ചെയുണ്ടായ വാഹനപകടത്തിൽ മരിച്ചത്. സുഹൃത്തുക്കളുമൊത്ത് രണ്ട് ബൈക്കുകളിലായി യാത്ര ചെയ്യവേ ഫർഹാൻ സഞ്ചരിച്ചിരുന്ന ബൈക്ക് മറ്റൊരു വാഹനവുമായി കൂട്ടിയിടിക്കുകയായിരുന്നു. മൈസൂർ മെഡിക്കൽ കോളേജ് ആൻ്റ് റിസർച്ച് സെൻ്ററിലെ ഒന്നാം വർഷ മെഡിക്കൽ വിദ്യാർത്ഥിയാണ് അബിൻ ഫർഹാൻ.
മാതാവ്: റംഷീന.
