ചാവക്കാട്: സംസ്ഥാന കേരള സ്കൂൾ ഗെയിംസിൽ തയ്ക്വണ്ടോയിൽ മുഹമ്മദ്‌ മിക്താദിന് സ്വർണ്ണനേട്ടം. സീനിയർ ആൺ കുട്ടികളുടെ 73 കിലോ ഭാര വിഭാഗത്തിലാണ് മിക്താദ് സ്വർണം കരസ്ഥമാക്കി ഈ മാസം ഭോപ്പാലിൽ നടക്കുന്ന നാഷണൽ സ്കൂൾ ഗെയിംസിലേക്ക് യോഗ്യത നേടിയത്. വെന്മേനാട് എം.എ.എസ്.എ.എം.വി എച്ച് സ്കൂളിലെ പ്ലസ് ടു വിദ്യാർത്ഥിയായ മുഹമ്മദ്‌ മിക്താദ് കടപ്പുറം തൊട്ടാപ്പ് ലൈറ്റ് ഹൗസിന് കിഴക്ക് മാണിയത്ത് അഷറഫ് – നൂർജഹാൻ ദമ്പതികളുടെ മകനാണ്. കടപ്പുറം അഞ്ചങ്ങാടി സ്പാറിങ് തയ്ക്വണ്ടോ അക്കാഡമിയിൽ ചീഫ് ഇൻസ്ട്രക്ടർ കെ.എച്ച് ജലാലുദ്ധീന്റെ കീഴിൽ പരിശീലനം നടത്തുന്ന മിക്താദ് തയ്ക്വണ്ടോയിൽ സെക്കന്റ് ഡാൻ ബ്ലാക്ക് ബെൽറ്റ്‌ ഡിഗ്രിയും ദേശീയ റെഫറി കോഴ്‌സും പാസായിട്ടുണ്ട്‌.
