ചാവക്കാട്: ചാവക്കാട് ഉപജില്ല കലോത്സവം ലോഗോ പ്രകാശനവും മീഡിയ റൂം ഉദ്ഘാടനവും നാളെ നടക്കും. ഉച്ചതിരിഞ്ഞ് മൂന്നിന് ഗുരുവായൂർ ശ്രീകൃഷ്ണ ഹയർ സെക്കൻഡറി സ്കൂളിൽ നടക്കുന്ന ചടങ്ങിൽ ഗുരുവായൂർ നഗരസഭ വൈസ് ചെയർപേഴ്സൺ അനിഷ്മ ഷനോജ് ലോഗോ പ്രകാശനം നിർവഹിക്കും. 3.30ന് മീഡിയ റൂം ഉദ്ഘാടനം നഗരസഭ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ സായിനാഥൻ നിർവഹിക്കും. നവംബർ 18 മുതൽ 21 വരെ ഗുരുവായൂർ ശ്രീകൃഷ്ണ ഹയർ സെക്കൻഡറി സ്കൂളിലാണ് കലോത്സവം അരങ്ങേറുന്നത്.
