ഗുരുവായൂർ: കോട്ടപ്പടി സെന്റ് ലാസേഴ്സ് ദേവാലയത്തിൽ മരിച്ചവരുടെ ഓർമ്മതിരുനാൾ ആചരിച്ചു. പുനരുദ്ധാന പൂന്തോട്ടത്തിൽ രാവിലെ ആറിന് നടന്ന ദിവ്യബലിയ്ക്കും ഒപ്പീസിനും വികാരി റവ. ഫാ.ഷാജി കൊച്ചുപുരയ്ക്കൽ മുഖ്യകാർമ്മികത്വം വഹിച്ചു. ഡീക്കൻ ജെയ്സൺ യോഹന്നാൻ സന്ദേശം നൽകി. ചടങ്ങുകൾക്ക് അസി.വികാരി. എഡ്വിൻ ഐനിക്കൽ, കൈക്കാരന്മാരായ സി.കെ ഡേവിസ്, വി.കെ ബാബു, കെ.പി പോളി, സെബി താണിയ്ക്കൽ, എം.എഫ് വിൻസെന്റ്, പി.ആർ.ഒ ജോബ് സി ആഡ്രൂസ് എന്നിവർ നേതൃത്വം നൽകി.
