പുന്നയൂർ: അവിയൂരിൽ നിയന്ത്രണം വിട്ട ബൈക്ക് വൈദ്യുതി പോസ്റ്റിലിടിച്ച് അപകടം. യുവാവിന് പരിക്കേറ്റു. അവിയൂർ സ്വദേശി അവിയൂർ ഹൗസിൽ മുരളി മകൻ ശരത്തി(29) നാണ് പരിക്കേറ്റത്. ഇന്ന് പുലർച്ചെ ഒരുമണിയോടെ അവിയൂർ ജുമാമസ്ജിദിനടുത്താണ് അപകടം നടന്നത്. കാലിനും തലക്കും ഗുരുതരമായ പരിക്കേറ്റ ശരത്തിനെ പുന്നയൂർക്കുളം ക്രിയേറ്റീവ് ആംബുലൻസ് പ്രവർത്തകർ ചാവക്കാട് ഹയാത്ത് ഹോസ്പിറ്റലിലും തുടർന്ന് വിദഗ്ധ ചികിത്സക്കായി മുളങ്കുന്നത്ത്കാവ് മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.
