തളിക്കുളം: ബൈക്കിൽ നിന്നും റോഡിലേക്ക് തെന്നി വീണ് പരിക്കേറ്റ് ചികിത്സയിലായിരുന്ന അധ്യാപിക മരിച്ചു. തളിക്കുളം പുതിയ വീട്ടിൽ മജീദിന്റെ ഭാര്യ റംല(53)യാണ് മരിച്ചത്. ഇടശ്ശേരി സി.എസ്.എം സ്കൂളിലെ അധ്യാപികയാണ്. കഴിഞ്ഞ ദിവസം ബൈക്കിന്റെ പിറകിലിരുന്ന് സ്കൂളിലേക്ക് പോകുമ്പോൾ തളിക്കുളം കൊപ്രക്കളം പടിഞ്ഞാറ് റോഡിലാണ് അപകടം നടന്നത്. ഗുരുതര പരിക്കേറ്റ ഇവരെ തൃശൂർ ജൂബിലി മിഷൻ ആശുപത്രിയിൽ പ്രവേശിപ്പിച്ചെങ്കിലും ഇന്ന് മരിച്ചു. കബറടക്കം പിന്നീട് നടക്കും.
