വടക്കേക്കാട്: കൊളത്താപ്പള്ളി മനയിൽ ഇല്ലം നിറ ഭക്തിസാന്ദ്രമായി. ഇന്നലെ രാവിലെയാണ് ഇല്ലം നിറയുടെ ചടങ്ങുകൾ നടന്നത്. ശംഖനാദത്തിൻറെ അകമ്പടിയോടെ കൊളത്താപ്പള്ളി ഭവദാസൻ നമ്പൂതിരി, ജിബിൻ ദാസ് കൊളത്താപ്പള്ളി എന്നിവർ കതിർകുലകൾ ശിരസ്സിലേറ്റി പ്രദക്ഷിണം വെച്ച് ഗൃഹത്തിൽ പ്രവേശിച്ചു. ജിബിൻ ദാസ് കൊളത്താപ്പള്ളി ചടങ്ങുകൾക്ക് മുഖ്യ കാർമ്മികത്വം വഹിച്ചു. ഗൃഹത്തിൽ കതിർ കുലകൾ പൂജിച്ച ശേഷം ഗൃഹത്തിലെ വിവിധ മുറികളിൽ സ്ഥാപിച്ചു. തുടർന്ന് പൂജിച്ച കതിരുകൾ ഭക്ത ജനങ്ങൾക്ക് വിതരണം ചെയ്തു. ഭക്തരുടെ പറ വെയ്പ്പും ഉണ്ടായിരുന്നു.
