ചാവക്കാട്: മുനക്കകടവ് അഴിമുഖത്ത് മൽസ്യബന്ധനത്തിനായി പോയ വള്ളം ചുഴലിക്കാറ്റിൽ പെട്ടു. 40 ഓളം തൊഴിലാളികൾ തലനാരിഴക്ക് രക്ഷപ്പെട്ടു. ചോഴിയേരകത്ത് വാസുദേവന്റെ ഉടമസ്ഥയിലുള്ള അപ്പുമാർ -3 എന്ന മത്സ്യബന്ധന വള്ളമാണ് അപകടത്തിൽപ്പെട്ടത്. ഇന്നുച്ചയോടെ മത്സ്യബന്ധനം കഴിഞ്ഞ് തിരിച്ച് വരുമ്പോഴാണ് സംഭവം. ശക്തമായ കാറ്റിൽ ബോട്ടിന്റെ മേൽക്കൂര പറന്നുപോയി. ഒരു ലക്ഷത്തോളം നഷ്ടം വന്നതായി തൊഴിലാളികൾ പറഞ്ഞു. ഇന്ന് രാവിലെയാണ് മുനക്കകടവിൽ നിന്ന് മത്സ്യബന്ധനത്തിനായി ഇവർ പുറപ്പെട്ടത്.
