പാവറട്ടി കശ്മീർ റോഡിൽ തെരുവുനായ ആക്രമണത്തിൽ ഒമ്പതു വയസ്സുകാരന് പരിക്ക്

പാവറട്ടി: കശ്മീർ റോഡിൽ തെരുവുനായ ആക്രമണത്തിൽ ഒമ്പതു വയസ്സുകാരന് പരിക്ക്. നാണത്ത് ഷാഹിറിന്റെ മകൻ റയാനാണ് പരിക്കേറ്റത്. രാവിലെ സഹോദരനുമൊത്ത് മദ്രസയിൽ പോയി വീട്ടിൽ തിരിച്ചെത്തിയപ്പോഴാണ് തെരുവുനായ ആക്രമിച്ചത്. ആദ്യം വിരലുകളിൽ കടിച്ചപ്പോൾ ഭയന്ന റയാൻ ഓടി തോട്ടിൽ വീണു. തുടർന്ന് കൈത്തണ്ടയിലും നായ കടിച്ചു. കുട്ടിയെ ആദ്യം ചാവക്കാട് താലൂക്ക് ആശുപത്രിയിലും പിന്നീട് തൃശ്ശൂർ ഗവ. മെഡിക്കൽ കോളേജ് ആശുപത്രിയിലും പ്രവേശിപ്പിച്ചു പ്രതിരോധ കുത്തിവെപ്പ് നൽകി.