വടക്കാഞ്ചേരി: കുണ്ടന്നൂരിൽ പടക്കപുരയ്ക്ക് തീ പിടിച്ച് സ്ഫോടനം. ഒരാൾക്ക് ഗുരുതര പരിക്ക്. പടക്കപുര പൂർണമായും കത്തി നശിച്ചു. കാവശേരി സ്വദേശി മണിക്കാണ് പരുക്കേറ്റത്. കുണ്ടന്നൂർ സുന്ദരാക്ഷൻ എന്ന വ്യക്തിയുടെ ഉടമസ്ഥതയിലുള്ള വെടിക്കെട്ട് പുരയ്ക്കാണ് തീ പിടിച്ചത്. രാധാകൃഷ്ണൻ എന്ന വ്യക്തിയുടെ പേരിലുള്ള ലൈസൻസിലാണ് പടക്കപ്പുര പ്രവർത്തിച്ചിരുന്നത്. ഇന്ന് വൈകീട്ട് അഞ്ച് മണിയോടെയാണ് സ്ഫോടനം നടന്നത്. വലിയ ശബ്ദത്തോടെയാണ് പൊട്ടിത്തെറിയുണ്ടായത്. മിനിറ്റുകളുടെ വ്യത്യാസത്തിൽ രണ്ട് സ്ഫോടനങ്ങളാണ് ഉണ്ടായത്. കുന്നംകുളം, വടക്കാഞ്ചേരി ഉൾപ്പെടെയുള്ള ദൂര പ്രദേശങ്ങളിലും പൊട്ടിത്തെറിയുടെ ശബ്ദം കേട്ടുവെന്നാണ് നാട്ടുകാർ പറയുന്നത്.
പാടശേഖരത്തിന് നടുവിലായാണ് പടക്കപ്പുര സ്ഥിതി ചെയ്യുന്നത്. 600 മീറ്റർ അകലെ സ്ഥിതി ചെയ്യുന്ന വീടുകളുടെ ജനൽ ചില്ലുകളെല്ലാം തകർന്നിട്ടുണ്ട്. നിലവിൽ ഫയർഫോഴ്സ് എത്തി തീ അണയ്ക്കാനുള്ള ശ്രമം തുടരുകയാണ്.
വടക്കാഞ്ചേരിയിൽ പടക്കപ്പുരയിൽ സ്ഫോടനം; ഒരാൾക്ക് ഗുരുതര പരിക്ക് ക
