ചാവക്കാട്: ഒരുമനയൂർ എ.യു.പി സ്കൂൾ കെട്ടിട ഉദ്ഘാടനം നാളെ നിയമസഭ സ്പീക്കർ എ.എൻ ഷംസീർ നിർവഹിക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. നാളെ വൈകീട്ട് 3.30 ന് നടക്കുന്ന ചടങ്ങിൽ എൻ.കെ അക്ബർ എം.എൽ.എ അധ്യക്ഷത വഹിക്കും. ചടങ്ങിൽ വിദ്യാലയത്തിന്റെ 142ാം വാർഷികാഘോഷവും അധ്യാപക രക്ഷകർതൃ സമിതിയോഗവും നടക്കും. ഒരുമനയൂർ പഞ്ചായത്ത് പ്രസിഡണ്ട് വിജിത സന്തോഷ്, മുൻ എം.എൽ.എ കെ.വി അബ്ദുൽ ഖാദർ എന്നിവർ മുഖ്യാതിഥികളാകും. സ്കൂൾ മാനേജർ അഡ്വ. രാമകൃഷ്ണ മേനോൻ പുതിയ കെട്ടിടത്തിന്റെ താക്കോൽ ഹെഡ്മിസ്ട്രസ് ഇ.ടി ഷിനി ഫ്ലവറിന് കൈമാറും. വിവിധ മേഖലകളിൽ മികവ് നേടിയ പൂർവ വിദ്യാർത്ഥികളെ ആദരിക്കും. വിവിധ കലാപരിപാടികൾ അരങ്ങേറും. മാനേജർ അഡ്വ. മാങ്ങോട്ട് രാമകൃഷ്ണ മേനോൻ, പ്രധാന അധ്യാപിക ഇ.ടി ഷിനി ഫ്ലവർ, പി.ടി.എ പ്രസിഡന്റ് പി.വി അബ്ദുൽ റസാക്ക്, വൈസ് പ്രസിഡന്റ് എം നിഷാദ്, സ്റ്റാഫ് പ്രതിനിധി എം രാംകുമാർ എന്നിവർ വാർത്താ സമ്മേളനത്തിൽ പങ്കെടുത്തു.
മണത്തല ചന്ദനക്കുടം നേർച്ച- 2025
