ചാവക്കാട്: മണത്തല ചന്ദനക്കുടം നേർച്ചയുടെ ഭാഗമായി ചാവക്കാട് നഗരത്തിൽ ഗതാഗത നിയന്ത്രണം ഏർപ്പെടുത്തി പോലീസ്. 27ന് രാത്രി 7 മണി മുതൽ 28ന് പുലർച്ചെ 3 മണിവരെയും 28 ന് വൈകിട്ട് 6 മണി മുതൽ 29ന് പുലർച്ചെ 5 മണി വരെയുമാണ് ഗതാഗത നിയന്ത്രണം. എറണാകുളം, കൊടുങ്ങല്ലൂർ ഭാഗങ്ങളിൽ നിന്ന് പൊന്നാനി, കോഴിക്കോട്, മലപ്പുറം, കുന്നംകുളം ഭാഗത്തേക്ക് പോകുന്നവർ ചേറ്റുവ പാലം എത്തുന്നതിന് മുമ്പായി അഞ്ചാംകല്ലിൽ നിന്നും വലത്തോട്ട് തിരിഞ്ഞ് മുല്ലശ്ശേരി, പാവറട്ടി, പഞ്ചാരമുക്ക്, ഗുരുവായൂർ, മമ്മിയൂർ, വടക്കേക്കാട്, പുത്തൻപള്ളി വഴി സഞ്ചരിക്കണം. പൊന്നാനി, കോഴിക്കോട്, കുന്നംകുളം ഭാഗത്ത് നിന്നും എറണാകുളം ഭാഗത്തേക്ക് പോകുന്നവർ പാലപ്പെട്ടി, പുത്തൻപള്ളി, വടക്കേക്കാട്, മമ്മിയൂർ, ഗുരുവായൂർ, പഞ്ചാരമുക്ക്, പാവറട്ടി, മുല്ലശ്ശേരി, അഞ്ചാംകല്ല് വഴിയും സഞ്ചരിക്കണമെന്ന് ചാവക്കാട് പോലീസ് സ്റ്റേഷൻ ഇൻസ്പെക്ടർ അറിയിച്ചു.
മണത്തല ചന്ദനക്കുടം നേർച്ച ജനുവരി 28 – രാവിലെ മുതൽ സർക്കിൾ ലൈവ് ന്യൂസിൽ തൽസമയം കാണാം
