ചാവക്കാട്: ചാവക്കാട് – പൊന്നാനി ദേശീയപാത അകലാട് അഞ്ചാംകല്ലിൽ ബൈക്കും സ്കൂട്ടറും കൂട്ടിയിടിച്ച് അപകടം. രണ്ട് അധ്യാപികമാർക്ക് പരിക്ക്. അകലാട് എം.ഐ.സി സ്കൂൾ അദ്ധ്യാപികമാരായ ബ്ലാങ്ങാട് സ്വദേശിനി വലിയകത്ത് നുസ്‌ലീന, ചെമ്മന്നൂർ സ്വദേശിനി വലിയവളപ്പിൽ സീനത്ത് എന്നിവർക്കാണ് പരിക്കേറ്റത്. ഇന്ന് വൈകീട്ട് 4.15 ഓടെയാണ് അപകടം നടന്നത്. പരിക്കേറ്റവരെ അകലാട് നബവി ആംബുലൻസ് പ്രവർത്തകർ ചാവക്കാട് ഹയാത്ത് ആശുപത്രിയിൽ പ്രവേശിപ്പിച്ചു.
