ഇരിങ്ങാലക്കുട: നിയന്ത്രണം വിട്ട ബൈക്ക് വൈദ്യുതി പോസ്റ്റിൽ ഇടിച്ച് യുവാവ് മരിച്ചു. താഴെക്കാട് സ്വദേശി കൈതാരത്ത് വീട്ടിൽ ജോണിയുടെ മകൻ ജിജോ (38) ആണ് മരിച്ചത്. ഇന്ന് പുലർച്ചെ ഒരു മണിയോടെയായിരുന്നു അപകടം. താഴെക്കാട് നിന്നും കുണ്ടൂപ്പാടത്തേയ്ക്ക് പോകുന്ന റോഡിൽ വച്ച് ജിജോ സഞ്ചരിച്ചിരുന്ന ബൈക്ക് നിയന്ത്രണ വൈദ്യുതി പോസ്റ്റിൽ ഇടിക്കുകയായിരുന്നു. അലുമിനിയം ഫാബ്രിക്കേറ്ററായ ജിജോ ജോലി സംബന്ധമായ ആവശ്യത്തിന് ശേഷം വീട്ടിലേക്ക് മടങ്ങുന്നതിനിടെയാണ് അപകടം നടന്നത്. സംസ്ക്കാരം ഇന്ന് ഉച്ചതിരിഞ്ഞ് 3.45 ന് താഴെക്കാട് ദേവാലയ സെമിത്തേരിയിൽ നടക്കും.
