കടപ്പുറം: ബ്ലാക്ക് ക്യാറ്റ്സ് അഞ്ചങ്ങാടി വളവ് സംഘടിപ്പിച്ച ബി.എഫ്.എൽ- സീസൺ 2 ൽ സ്റ്റാലിൻ എഫ്.സി ജേതാക്കളായി. വാശിയേറിയ ഫൈനലിൽ ഒരു ഗോളിന് ടീം 28 പരാജയപെടുത്തിയാണ് സ്റ്റാലിൻ എഫ്.സി കിരീടം ചൂടിയത്. ടീം 28 ന്റെ ഉക്കാഷത് ബെസ്റ്റ് പ്ലെയറും ബെസ്റ്റ് ഗോൾകീപ്പറായി സ്റ്റാലിൻ എഫ്.സിയുടെ റസാനും ബെസ്റ്റ് ഡിഫൻഡറായി സ്റ്റാലിൻ എഫ്.സി യുടെ കെ.എം ജിംഷാദും ടോപ്പ് സ്കോററായി സ്റ്റാലിൻ എഫ്.സി യുടെ പി.എ സലാഹുദ്ദീനും തെരഞ്ഞെടുക്കപ്പെട്ടു. സമ്മാനദാന ചടങ്ങിൽ ക്ലബ്‌ പ്രസിഡന്റ്‌ പി.എ യൂനസ്, അംഗങ്ങളായ സി.ടി കബീർ , ഹിലാൽ കടവിൽ, ജിംഷാദ്, അനസ്, അസ്‌ലം, അഫ്‌താഹ്, അഫ്സൽ, അസ്ഹർ, ഷൗക്കത്ത് സലാഹുദ്ധീൻ തുടങ്ങിയവർ പങ്കെടുത്തു. നൂറിൽ പരം ബ്ലാക്ക് ക്യാറ്റ്സ് പ്രവർത്തകർ പ്രീമിയർ ലീഗിൽ അണിനിരന്നു.
