കുന്നംകുളം: വെള്ളറക്കാട് നിന്നും കാണാതായ വിദ്യാർത്ഥിയെ കണ്ടെത്തി. കാസർഗോഡ് കാഞ്ഞങ്ങാട്ട് നിന്നാണ് കുട്ടിയെ കണ്ടെത്തിയത്.
നെല്ലിക്കുന്നിൽ പ്രവർത്തിക്കുന്ന മത, ഭൗതിക പഠന കേന്ദ്രത്തിലെ വിദ്യാർഥിയായ പട്ടിക്കര പുതുവീട്ടിൽ ഷെറീഫിൻ്റെ മകൻ 19 വയസുള്ള മുഹമ്മദ് ഫാരിസിനെയാണ് കഴിഞ്ഞ 22-ാം തിയ്യതി മുതൽ കാണാതായത്. മൊബൈൽ ഫോണിൽ ഗെയിം കളിച്ചതിന് അധ്യാപകൻ വഴക്ക് പറയുകയും ഫോൺ പിടിച്ച് വെക്കുകയും ചെയ്ത മനോവിഷമത്തിലാണ് മുഹമ്മദ് ഫാരിസ് നാട് വിട്ടതെന്ന് പറയുന്നു. സ്ഥാപന അധികൃതരും ബന്ധുക്കളും എരുമപ്പെട്ടി പൊലിസിൽ പരാതി നൽകിയിരുന്നു. സാമൂഹ്യ മാധ്യമങ്ങളിൽ മുഹമ്മദ് ഫാരിസിൻ്റെ ഫോട്ടോയും വിവരങ്ങളും വലിയ രീതിയിൽ പ്രചരിപ്പിച്ചിരുന്നു. ഇതിനെ തുടർന്നാണ് ഇന്ന് കുട്ടിയെ കണ്ടെത്തിയത്
വെള്ളറക്കാട് നിന്നും കാണാതായ വിദ്യാർത്ഥിയെ കാസർഗോഡ് കാഞ്ഞങ്ങാട്ട് കണ്ടെത്തി
