ഒരുമനയൂർ: ഒരുമനയൂർ ഗ്രാമപഞ്ചായത്തിൽ വനിത ജിംനേഷ്യം ഉദ്ഘാടനം ചെയ്തു. ജില്ലാ പഞ്ചായത്ത് ആരോഗ്യ സ്റ്റാൻഡിങ് കമ്മിറ്റിചെയർ പേഴ്സൺ റഹീം വീട്ടിപറമ്പിൽ ഉദ്ഘാടനം നിർവഹിച്ചു. ജില്ലാ പഞ്ചായത്ത് മെമ്പർ അഡ്വ. വി.എം മുഹമ്മദ് ഗസ്സാലി മുഖ്യാതിഥിയായി. ഒരുമനയൂർ ഗ്രാമപഞ്ചായത്ത് പ്രസിഡണ്ട് വിജിത സന്തോഷ് അധ്യക്ഷത വഹിച്ചു. സ്റ്റാൻഡ് കമ്മിറ്റി ചെയർപേഴ്സൺ മാരായ കെ.എച്ച് കയ്യുമ്മു ടീച്ചർ, കെ.വി രവീന്ദ്രൻ, ഫിലോമിന ടീച്ചർ, ബ്ലോക്ക് മെമ്പർ ഷൈനി ഷാജി, കെ ആഷിത, മെമ്പർമാരായ ഹസീന അൻവർ, നെഷറ മുഹമ്മദ്, സിന്ധു അശോകൻ, ആരിഫ ജുഫൈർ, കെ.ജെ ചാക്കോ, സി.ഡി.എസ് ചെയർപേഴ്സൺ സുലൈഖ കാദർ, ആസൂത്രണ സമിതി ഉപാധ്യക്ഷൻ ജോഷി ഫ്രാൻസിസ്, അസിസ്റ്റന്റ് എൻജിനീയർ എസ്.ആർ ദീപക് എന്നിവർ സംസാരിച്ചു. വൈസ് പ്രസിഡണ്ട് കെ.വി കബീർ സ്വാഗതവും സെക്രട്ടറി ഷിപുദാസ് നന്ദിയും പറഞ്ഞു.
