പുന്നയൂർക്കുളം: പുന്നയൂര്‍ക്കുളം ഗ്രാമപഞ്ചായത്ത് ഗ്രൗണ്ട് നവീകരിച്ച് മിനിസ്റ്റേഡിയമാക്കുന്നതിന് കായിക വകുപ്പ് 1 കോടി രൂപ അനുവദിച്ചു. ഒരു പഞ്ചായത്തില്‍ ഒരു കളിക്കളം പദ്ധതിയില്‍ ഉള്‍പ്പെടുത്തി കായിക വകുപ്പിന്‍റെ ഫണ്ടും എം.എല്‍.എ ഫണ്ടും വിനിയോഗിച്ചാണ് പദ്ധതി നടപ്പിലാക്കുന്നത്. ഗുരുവായൂര്‍ മണ്ഡലത്തില്‍ ഒരു പഞ്ചായത്തില്‍ ഒരു കളിക്കളം പദ്ധതി പ്രകാരം 2-ാമത്തെ ഗ്രൗണ്ടിനാണ് തുക അനുവദിക്കുന്നതെന്ന് എൻ.കെ അക്ബര്‍ എം.എൽ.എ അറിയിച്ചു. പുന്നയൂര്‍ക്കുളത്തെ കായിക പ്രേമികളുടെ മികച്ച നിലവാരത്തിലുള്ള കളിസ്ഥലം എന്ന വര്‍ഷങ്ങളായുള്ള ആവശ്യമാണ് ഇതോടെ യാഥാര്‍ത്ഥ്യമാകുന്നത്. നേരത്തെ അനുവദിച്ച പുന്നയൂര്‍ ഗ്രാമപഞ്ചായത്തിലെ സ്റ്റേഡിയം നവീകരണം പൂര്‍ത്തീകരണ ഘട്ടത്തിലാണ്.
‘ഒരു പഞ്ചായത്തില്‍ ഒരു കളിക്കളം’; പുന്നയൂർക്കുളം പഞ്ചായത്ത് ഗ്രൗണ്ട് നവീകരണത്തിന് ഒരു കോടി രൂപ അനുവദിച്ചു
