കുന്നംകുളം: കടവല്ലൂരിൽ നിയന്ത്രണം വിട്ട കാർ റോഡരികിലെ കലുങ്കിൽ ഇടിച്ച് അപകടം. കാർ യാത്രക്കാരായ രണ്ടുപേർക്ക് പരിക്കേറ്റു. കടവല്ലൂർ ഹൈസ്‌കൂളിന് സമീപം ഇന്ന് രാവിലെ 7.30 ഓടെയാണ് അപകടം. പരിക്കേറ്റ കാർ യാത്രക്കാരായ രണ്ടുപേരെ ഓടികൂടിയ നാട്ടുകാർ പെരുമ്പിലാവിലെ സ്വകാര്യ ആശുപത്രിയിൽ പ്രവേശിപ്പിച്ചു. കണ്ണൂരിലേക്ക് പോയിരുന്ന കാറാണ് അപകടത്തിൽ പെട്ടത്. ഡ്രൈവർ ഉറങ്ങിപ്പോയതാവാം അപകടത്തിന് കാരണമെന്ന് കരുതുന്നു. ഇടിയുടെ ആഘാതത്തിൽ കാറിൻ്റെ മുൻഭാഗം ഭാഗികമായി തകർന്നു.
