ദമാം: കാണാതായ പ്രവാസി മലയാളി സലീമിനെ മരിച്ച നിലയിൽ കണ്ടെത്തി.
കോഴിക്കോട് കുറ്റിക്കാട്ടൂർ തടപ്പറമ്പ് വീട്ടിൽ മുച്ചുണ്ടി തൊടിയിൽ മുഹമ്മദ് സലീമിനെയാണ് (39) ദമാമിൽ മരിച്ച നിലയിൽ കണ്ടെത്തിയത്. ദമാമ്മിൽ ഡ്രൈവറായി ജോലി ചെയ്തിരുന്ന കുടുംബസമേതം താമസിച്ചിരുന്ന സലീമിനെ കഴിഞ്ഞ ഒരാഴ്ചയായി കാണാനില്ലെന്ന് ബന്ധുക്കളും സുഹൃത്തുക്കളും പൊലീസിൽ പരാതി നൽകിയിരുന്നു. ഇതേ തുടർന്ന് നടത്തിയ അന്വേഷണത്തിലാണ് മൃതദേഹം ദമാം ടോയോട്ടയ്ക്കടുത്തുള്ള പാർക്കിൽ കണ്ടെത്തിയത്. മരണാനന്തര നടപടികൾ പൂർത്തീകരിച്ച ശേഷം മൃതദേഹം ദമാമിൽ തന്നെ ഖബറടക്കും . ഭാര്യ: ഹൈറുന്നീസ, മകൻ : മുഹമ്മദ് നാസിഫ്.
സൗദിയിൽ കാണാതായ പ്രവാസി മലയാളി സലീമിനെ മരിച്ച നിലയിൽ കണ്ടെത്തി
