ഗുരുവായൂർ: മാണിക്കത്ത് പടി റോഡിൽ കരുമത്തിൽ ക്ഷേത്രത്തിനടുത്ത് സ്കൂട്ടർ നിയന്ത്രണം വിട്ട് ഇലക്ട്രിക് പോസ്റ്റിലിടിച്ച് പരിക്കേറ്റ് ചികിത്സയിലായിരുന്നയാൾ മരിച്ചു. ഗുരുവായൂർ പുളിക്കൽ വീട്ടിൽ മനോജാ(48)ണ് മരിച്ചത്. ഇന്ന് രാത്രി 9 മണിയോടെയായിരുന്നു അപകടം. തലക്ക് ഗുരുതരമായി പരിക്കേറ്റയാളെ ഗുരുവായൂർ ആക്ട്സ് ആംബുലൻസ് പ്രവർത്തകർ ചാവക്കാട് ഹയാത്ത് ആശുപത്രിയിൽ പ്രവേശിപ്പിച്ചിരുന്നു. പിന്നീട് തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇവിടെ ചികിൽസയിൽ കഴിയവെ ഇന്ന് രാവിലെ മരണം സംഭവിക്കുകയായിരുന്നു.
