ഗുരുവായൂർ: സി.ടി ലോനപ്പൻ ഗുരുക്കൾ അനുസ്മരണവും സംസ്ഥാന തല കളരിപ്പയറ്റ് ക്വിസ് മത്സരവും ജൂൺ 8ന് ഗുരുവായൂരിൽ സംഘടിപ്പിക്കുമെന്ന് ട്രസ്റ്റ് ഭാരവാഹികൾ വാർത്താ സമ്മേളനത്തിൽ അറിയിച്ചു. സി.ടി ലോനപ്പൻ ഗുരുക്കളുടെ 3-ാം അനുസ്‌മരണദിനമായ ജൂൺ 8 വൈകീട്ട് മൂന്നിന് ഗുരുവായൂർ നഗരസഭ ലൈബ്രറി ഹാളിൽ ചെയർമാൻ എം കൃഷ്ണദാസ് ഉദ്ഘാടനം ചെയ്യും. തൃശൂർ ജില്ല കളരിപ്പയറ്റ് അസോസിയേഷൻ സെക്രട്ടറി കെ.പി ദിനേശൻ ഗുരുക്കൾ മുഖ്യ അനുസ്‌മരണം നടത്തും. സിനി ആർട്ടിസ്റ്റ് ശിവജി ഗുരുവായൂർ ആദരണവും സമ്മാനദാനവും നിർവ്വഹിക്കും. തൃശൂർ ജില്ല യോഗ സ്പോർട്സ് അസോസിയേഷൻ പ്രസിഡൻ്റ് ധന്യ ഹരിദാസിനെ ആദരിക്കും. ഗുരുവായൂർ മുനിസിപ്പൽ കൗൺസിലർ ശോഭ ഹരിനാരായണൻ അനുസ്‌മരണ പ്രഭാഷണം നടത്തും. കളരിപ്പയറ്റിന്റെ ചരിത്രം, കളരി വർത്തമാനകാല സംഭവങ്ങൾ,കളരി ആയുധങ്ങൾ എന്നിവയെ ആസ്പദമാക്കിയാണ് ക്വിസ് മത്സരം.5000, 3000, 2000, 500 രൂപ എന്നിങ്ങനെ യഥാമം 5 സ്ഥാനം നേടുന്നവർക്കും 6 മുതൽ 15 -ാം സ്ഥാനം നേടുന്നവർക്ക് 250 രൂപ വീതവും ക്യാഷ് പ്രൈസും സർട്ടിഫിക്കറ്റും നൽകും. മത്സരത്തിൽ പങ്കെടുക്കാൻ പ്രായപരിധിയില്ല .രജിസ്ട്രേഷൻ സൗജന്യമാണ്. കൂടുതൽ വിവരങ്ങൾക്ക് 9846160704 ബന്ധപ്പെടുക. ഭാരവാഹികളായ കെ വാസുദേവൻ നമ്പൂതിരി, കെ.പി ഉദയൻ,രാജേന്ദ്രൻ കണ്ണത്ത്, ഗിരീഷ് തൊടുവിൽ, ജോയ്‌സൺ മാങ്ങൻ, പി.ആർ. ഡെന്നി എന്നിവർ വാർത്താസമ്മേളനത്തിൽ പങ്കെടുത്തു.
