കടപ്പുറം: കടപ്പുറം ഗ്രാമപഞ്ചായത്ത് 2024-25 വർഷത്തെ വാർഷിക പദ്ധതിയിൽ ഉൾപ്പെടുത്തി രജിസ്ട്രേഡ് ക്ലബ്ബുകൾക്ക് സ്പോർട്സ് കിറ്റുകൾ വിതരണ ചെയ്തു. കടപ്പുറം ഗ്രാമപഞ്ചായത്ത് പ്രസിഡന്റ് സാലിഹ ഷൗക്കത്ത് വിതരണോദ്ഘാടനം നിർവഹിച്ചു. വൈസ് പ്രസിഡന്റ് കാഞ്ചന മൂക്കൻ അധ്യക്ഷത വഹിച്ചു. 30 രജിസ്റ്റേഡ് ക്ലബ്ബുകൾക്കാണ് സ്പോർട്സ് കിറ്റുകൾ വിതരണം ചെയ്തത്. സ്റ്റാൻഡിംഗ് കമ്മിറ്റി അദ്ധ്യക്ഷരായ വി.പി മൻസൂറലി, ശുഭ ജയൻ, പഞ്ചായത്ത്‌ സെക്രട്ടറി ഇ.ടി റാഫി, വാർഡ് മെമ്പർമാരായ എ.വി അബ്ദുൽ ഗഫൂർ, ടി.ആർ ഇബ്രാഹിം, പി.എ മുഹമ്മദ്, വിവിധ ക്ലബ്ബ് പ്രതിനിധികൾ എന്നിവർ സംസാരിച്ചു.
