പുന്നയൂർക്കുളം: അണ്ടത്തോട് പാപ്പാളിയിൽ വന്യജീവി വകുപ്പിന്റെയും കടലാമ സംരക്ഷണ സമിതിയുടെ നേതൃത്വത്തിൽ സൂക്ഷിച്ചിരുന്ന കടലാമുട്ടകൾ വിരിഞ്ഞു. വിരിഞ്ഞിറങ്ങിയ കടലാമ കുഞ്ഞുങ്ങളെ കടലിലേക്ക് ഇറക്കിവിട്ടു. 87 കുഞ്ഞുങ്ങളെയാണ് കടലിലേക്ക് ഇറക്കിയത്. ഈ വർഷം ഇത് രണ്ടാം തവണയാണ് ഇവിടെ കടലാമ മുട്ടകൾ വിരിഞ്ഞിറങ്ങിയത്. പാപ്പാളി കടപ്പുറത്ത് ഡെപ്യൂട്ടി റെയിഞ്ച് ഓഫീസർ എംപി അനിൽകുമാറിന്റെ കീഴിൽ പ്രവർത്തിക്കുന്ന കടലാമ സംരക്ഷണ സമിതി അംഗങ്ങളായ മാലിക്കുളം ഗഫൂർ, സലാം, ഷാക്കിർ എന്നിവരുടെ നേതൃത്വത്തിലാണ് ഹാച്ചറികളിൽ കടലാ മുട്ടകൾ സംരക്ഷിച്ചിരുന്നത്. 15 ഓളം ഹാച്ചറികളിളായി ആയിരത്തിലധികം മുട്ടകൾ ഇനിയും വിരിയാനുണ്ടെന്ന് കടലാമ സംരക്ഷണ സമിതി പ്രവർത്തകൻ മാലിക്കുളം ഗഫൂർ പറഞ്ഞു.
