ഗുരുവായൂർ: തിരുവെങ്കിടം നായർ സമാജം സ്ഥാപക ദിനം ആഘോഷിച്ചു. സമാജം പ്രസിഡണ്ട് ബാലൻ വാറണാട്ട് ഉദ്ഘാടനം ചെയ്തു. സ്ഥാപക സാരഥി പ്രഭാകരൻ മണ്ണൂർ അധ്യക്ഷത വഹിച്ചു. വൈസ് പ്രസിഡണ്ട് ഉണ്ണികൃഷ്ണൻ ആലക്കൽ സ്ഥാപക വിശേഷങ്ങൾ പങ്ക് വെച്ചു. ആചാര്യൻമന്നത്ത് പത്മനാഭന്റെ സ്മരണകളുമായി നവോത്ഥാന നായകൻ ചട്ടമ്പിസ്വാമികളുടെ അലങ്കരിച്ച് വെച്ച ഛായാചിത്രത്തിൽ പുഷ്പാർച്ചന നടത്തി ദേശഭക്തിഗാനം ആലപിച്ചു. നേതാക്കളായ എ സുകുമാരൻ നായർ ,രാജു കൂടത്തിങ്കൽ, എം.രാജേഷ് നമ്പ്യാർ, പ്രദീപ് നെടിയടത്ത്, അർച്ചനാ രമേശ്, സുരേന്ദ്രൻ മൂത്തേടത്ത്, ജയന്തി ശിവകുമാർ, ഷൈലജ ദേവൻ, ഇ രാജു എന്നിവർ സംസാരിച്ചു. മധുരവിതരണവും പലവ്യജ്ഞനകിറ്റ് സമ്മാന വിതരണവും ഉണ്ടായി. സുമേഷ് കാരാമയിൽ, കെ പ്രഭാകരൻ നായർ, മുരളി കെ.റ്റി ഡി.സി, കുമാരി ചന്ദ്രൻ, വസന്ത സുരേന്ദ്രൻ, വിശ്വനാഥൻ കാളത്തേൽ, ശാന്ത മുരളി, രമകുട്ടം പറമ്പത്ത്, കമല കൃഷ്ണൻ,എൻ.ശങ്കരൻകുട്ടി എന്നിവർ നേതൃത്വം നൽകി.
