ചാവക്കാട്: മകര ഭരണിയോടനുബന്ധിച്ച് ചാവക്കാട് കോഴിക്കുളങ്ങര ഭഗവതി ക്ഷേത്രോത്സവ കമ്മിറ്റിയുടെ നേതൃത്വത്തിൽ കലാപരിപാടികൾക്ക് തുടക്കമായി. എൻ.കെ അക്ബർ എം.എൽ.എ ഉദ്ഘാടനം ചെയ്തു. ഉത്സവാഘോഷ കമ്മിറ്റി പ്രസിഡന്റ് സുരേഷ് പുതുമന അധ്യക്ഷത വഹിച്ചു. നഗരസഭ ചെയർപേഴ്സൺ ഷീജ പ്രശാന്ത് മുഖ്യാതിഥിയായി. രാധാകൃഷ്ണൻ കാക്കശ്ശേരി മുഖ്യപ്രഭാഷണം നടത്തി. നഗരസഭ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ പി.എസ് അബ്ദുൽ റഷീദ്, കൗൺസിലർ എം.ബി പ്രമീള എന്നിവർ സംസാരിച്ചു. ഉത്സവാഘോഷ കമ്മിറ്റി സെക്രട്ടറി അനൂപ് കണ്ടമ്പുള്ളി സ്വാഗതവും വൈസ് പ്രസിഡന്റ് സേതുമാധവൻ നന്ദിയും പറഞ്ഞു. തുടർന്ന് വല്ലഭട്ട കളരി സംഘത്തിന്റെ കളരിപ്പയറ്റും പൗർണമി കോഴിക്കുളങ്ങര, ദ്വാദശി പാവറട്ടി എന്നിവയുടെ തിരുവാതിരക്കളിയും വിവിധ കലാപരിപാടികളും അരങ്ങേറി. ഫെബ്രുവരി അഞ്ചിന് ക്ഷേത്രത്തിൽ മകരഭരണി ആഘോഷിക്കും.
